Ha kylleng ka jylla ynrakhe ia ka Badhte Kadam

Shillong Risaw 31: Ka jingrakhe ia ka Badhte Kadam 2012 ha kane ka jylla bad kylleng jong ka Ri India  kan sdang naduh ka  ka 3 tarik u Naiwieng haduh ka 2 tarik u Nohprah mynta u snem ha kylleng ka ri India yn rakhe ia ka Badhte Kadam 2012.

Ha kine ki sngi yn pynlong ia ki jingialang ha kylleng ki bynta jong ka jylla Meghalaya  ha kaba yn pynlong ia ki prokram ba har rukom shi bnai lynter ban pynsaphriang ia ki khubor bad ban pynsngewthuh ia ki paid kane ka ri ha kaba iadei bad ka hok jong ki briew kiba don ka jingduna ha ki dkhot met kumba la saindur da ka Constitution jong ka ri India bad ruh lyngba ka United Nations Convention on Rights of Person with Disabilities (UNCDRP).

Ka  National Trust State Coordinator ka kong  Belbora Wankhar, kala iathuh ba kane ka jingrakhe yn sdang ha Wahiajer, Jaintia Hills ha ka 3 tarik u Naiwieng, yn sa pynbud pat sa ha East Khasi Hills, Ri-Bhoi, Garo Hills bad yn pynkut pat ha ka 2 tarik u Nohprah ha West Khasi Hills.

Ka kong Wankhar kala iathuh ruh ba ha ki 3 snem kiba la dep ia kane ka jingrakhe la pynlong ha kylleng ki distrik jong ka jylla bad mynta ka kynti pat yn pynlong ia ki prokram ha ki Block bapher bapher. Kane ka long ban pynsngewthuh ia ka hok ka jong ki briew ki ba don ia ka jingduna ha ki dkhot met.

Shuh shuh kala iathuh ruh ba ka jingthmu jong kane ka jingrakhe ia ka Badhte Kadam ka long kum shi bynta ban ai jingtip ia ki paidbah shaphang ka hok jong kito kiba don jingduna ha ka dkhot met bad ka long ruh kum shi bynta ban thaw ia ki lad ki lynti ban ailad ia kine ki briew kiba don jingduna ha ka dkhot.(SP News)

What Next?

Related Articles

Leave a Reply

Submit Comment
*