Shillong, Nailar 29: Ban pynneh pynsah ia ka Riti Dustur bad ia ki buh nam umynba rim ka Khasi Hills Autonomous District Council (KHADC) kala pyrshang ban pynlong ia ka “Monolith Festival” ha ka 25 bad 26 tarik jong u Naiwieng ha Lawkyntang Mawphlang.
Ka jingthmu ban pynlong ia kane ka Monolith Festival ka long ban pyni sha ka pyrthei ia ka jingriew spah kane ka jaid bynriew khasi ha ki ritiki dustur.
Haba batai shaphang kane ka jingleh kmen ba la pynkhreh da ka KHADC u Cahirman jong ka seng ka Khasi Heritage Conservation Forum u Bah Titos Chyne u la ong ba ha kane ka jingleh kmen yn pyni ia ka kaei kaba ka jaid bynriew khasi ka don ha ki bynta baroh.
Na ka bynta kane ka jingleh kmen ka KHADC ka la mang ia ka pisa ban pynlut haduh 40 lak tyngka. U Bah Titus u kyrpad ia ki paidbah ba kin wan ban ia shim bynta ha katei ka jingleh kmen.(SP News)
