Ha u Nohprah yn trei kam ka “Core Banking” ka MCAB: W Kyndiah

Shillong, Risaw 31: Ka Meghalaya Co-Operative Apex Bank Ltd ka la ia beh sha ka thong ban pynthymmai ia ka rukom trei kam ka jong ka kumwei pat ki bank kiba la iathuh da ka sorkar India, ia kane ka rukom trei kam la tip kum ka “Core Banking”  ha kaba yn sdang ban pyntrei kam ha kane ka Bank ha u bnai Nohprah mynta u snem.

U Chairman jong ka MCAB u Bah W Kyndiah haba kren ha u SP News Agency  la iathuh ba na ki 46 tylli ki shnat trei kam jong ka, ha u bna nohprah kin lah ban sdang ia ka Core Banking kumba 30 tylli ki shnat trei kam bad ia ki 16 tylli kiba dang sah yn ialeh katba lah ban pyndep ha shuwa ka 31 tarik u Iaiong 2013.

Na ka liang jong ka Bank ka da kwah eh ban pyndep ha baroh ki tand trei kam jong ka hynrei kane kam dei ha ka bor jong ki namar ki hap ban shim ia ka Internet  na ka BSNL, dei ka tei ka tnad jong ka sorkar pdeng kaba ong ba ha ki 16 tylli ki Bank kiba dang sah ia mynta kim pat don ia ka Internet ka jingbym lah ban leh ha ka juh ka por dei na kane ka daw.

Ia ka skhim Aquaculture Mission jong ka sorkar jylla ka ioh ka MCAB, ha kaba ia ka pisa jong kane ka skhim ym pyniaid lyngba jong kane ka Bank nalor jong kane ki don ruh sa kiwei ki skhim kiba ka bank ka shim ban pyniaid kiba dei jong ka sorkar pdeng, kum ka Handicap.

Na ka liang jong u Chairman u la ong ba ka por ka la dei ba ka Bank ka hap ban don ia kane ka Core Banking namar ka sorkar ka kwah ban phah ia ka pisa jong ka sorkar sha ki nongioh jingmyntoi lyngba kane ka Bank. Ka jingdon jong kane ka Core Banking ruh kan iarap ia ka bank ha ka jingtrei kam ka jong ka.(SP News)

What Next?

Related Articles

Leave a Reply

Submit Comment
*