Shillong, Naitung, 28:Mynta ka sngi ka Executive committee ha ka jingialam jong u bah Ardent Basaiawmoit ki la ia kynduh ia u syiem jong ka Hima Mylliem u pa’iem Latho M Syiem ryngkat ki katto katne ngut Myntri ha Khasi Hill Autonomous District Council ha kaba ia dei bad ka iewduh, ka EC ryngkat u Syiem bad ka ha ka ka jingia sngewthuh bad ki paidbah la rai ban pynlong ia ka jingialang ha ka 12 tarik u bnai ban wan ban ia kren halor ka iewduh,ia kane ka jingialang yn pynlong ha Motphran.
U bah Ardent haba kren ha ki nongthoh khubor mynta ka sngi u la ong da ka jingsngew khia dang ha kine ki khyndiat sngi na ka liang jong u u la leit ban jurip ia ka jinglong jingman jong katei ka iew bad la lap shibun ia ka jingjaboh jong ka trei ka iew khamtam eh ha ka iew die sohsaw ba la tip kum ka iew die lang.
La iathuh ruh da ki paid nongrep ba ka jingjyllei ka jingkloh pisa, ka kiad ka la long sha ba palat ha ka tei ka jaka kane ruh ka long ka wei ka jing eh kab khraw ia ki.
Halor kane ka jinglong jingman ka EC baroh kawei ryngkat u syiem ki la ia kren ba ia tai sani bha bad la shim ruh ia ka rai ha kaba iadei bad ka iew die soh saw yn ym shah shuh ban pynieng kali ha katei ka jaka namar ka kham duna ka jingkhapngiah la ong u bah Ardent.
Ka wei pat kaba ka EC ka la shim ia ka rai mynta ka sngi ka long ban pynsangeh ba ia kino kino ki mar kiba wan ban die da ki nongrep kiba don hapoh ka 50 kilo la rai ba ym dei shuh ban ot la da ki mar ki don 10 kilo ym dei ban ot noh 1 kilo . Bad la rai ruh ban khang noh shi syndon ia baroh ki dukan die kiad.
Ban wanrah ia ka jingkhuid jingsuba ha ka iew la rai ruh ban nang kham pynbun ia ki painkhana, bad la khang pyrshah bad ym shah shuh ia ki briew ba kin shong kin sah bad kin pynlong kum ka iing sah jong ki hapoh iewduh.
Bad ha kaba iadei bad ki nongkit da ju haiew la rai ba ki dei ban da register bad da ioh ia ki labour Lisence na District Council,u syiem un ban Bthah ruh ia baroh ki daju ba ki dei ba kin da phong da ki Uniphom.
La iakut ban shna ia ki katto katne ki bynta jong ki pipe um kiba la duh bad kiba pynthud ia ka leit ka wan jong u paidbah ia kane la rai ban ai jingthoh sha ka Minicipal.
Ia kane ka rai yn sa pyntrei kam ha dien ka 12 tarik kane kan nang kham wanrah shuh shuh ia ka roi ka par, bad ban pyrshang ban wanrah ia ka jingkhuid jing suba jong ka iewduh, ia ka ba la tip kum ka iew ka ba kyntang ong u bah Ardent.(SP News)