Hapdeng ka jingsyier shong ki paidbah ka Williamnagar ha kane ka Khristmas

Tura, Nohprah 23:  Ki paidbah nongshnong shnong jong ka sor Williamnagar mynta ki dong hapdeng ka jingshong syier ban leh burom ia ka jingwan jong u Jisu ha kane ka Khristmas na ka daw jong ka jingiasait kaba la jia ha Rongtok ka shnong kaba ia khap bad ka West Khasi Hills.

Kaba la kham pynsyier shuh shuh ia ki paidbah ka long ba ha ka sngi saitjian ha kaba ki paidbah ki dang bum kam ha kaba ia thied ia pet na ka bynta kane ka khristmas ka la mih ka ham saia ba don u bom ha iew, kane ka la pynher syriewng ia ki paidbah ban ia phet klumar.

Na ka liang jong u Deputy Commissioner jong ka East Garo Hills u la ong ba kam shym don kum kata ka jingpyntieng khoh tympan ba don u bam ha iew u la ong ba na ka liang jong u ym shym ioh jingtip ei ei sha phang kata.

Kiwei pat ki lad pathai khubor kiba la ioh da u SP News Agency ki iathuh ba ki bor pyniaid ia ka District ki la pynjur bha ia ka jingpahara ban peit ba kane ka jingleh kmen khristmas kan long kaba iaid beit iaid ryntih khlem da don kano kano ka jingjia kaba sngewsih.(SP News)

 

 

What Next?

Related Articles

Leave a Reply

Submit Comment
*