Hukum ka NHRC ia u secretary kam poh iing ban pyntip balei jah ka shithi pan map

New Delhi, Lber 03: Ka National Human Rights Commission (NHRC) mynta ka sngi kala hukum ia u Union Home Secretary, jong ka sorkar pdeng ba kin ai ia ka jubab sha ei ka jah ka shithi pan map jong u Holiram Bordoloi u ba na Assam uba la shah rai pyniap.

Katkum ka jinglap na ka RTI ba u Inspector General ka tnad phatok, ka jylla Assam u la ong ba ia ka shithi pan map jong u Holiram Bordoloi la phah sha ka ophis jong u president jong ka Ri India katkum ka shithi number  No.PRI.826 dated 18.04.2005 bad sha ka tand Judicial Department, jong ka sorkar Assam ha ka 17.06.2005.

Ka jubab kaba la ioh na ka ophis jong u Inspector General ka tand phatok jong ka jylla Assam katkum ka shihti kaba la ioh ha ka  09.07.2013 ba kane ka shithi pan map ka dang sah ha ka ophis jong u president jong ka Ri India, hynrei na ka ophis jong u president jong ka Ri India kala ong ba ia ki kyrteng kaba ki la ioh naduh u snem 1981 haduh mynta kam shym don katei ka kyrteng Holiram Bordoloi. Kane ka paw shai ba kane ka shithi pan map kala jah shiteng lynti.

Kane ka jingjah kane ka shithi pan map ka kdew shai ba ka dei ka jingleh khlem akor jong ki briew kiba don ha ka kam lane ka jingpyndon kam bakla ka jong ki ia ka bor kaba ki don na ka liang jong ka NHRC ka dawa ba dei ban wad ia kane ka shithi balei ka jah, la ong Mr Suhas Chakma, Director of Asian Centre for Human Rights.

U Holiram Bordoloi u dei u briew ba la shah kynnoh ha kaba ia dei bad ka jingshah pyniap jong ki lai ngut ki briew kiba ha  Nayagaon kaba hap hapoh jong ka  Boribazar Outpost ha Morigaon district jong ka jylla Assam ha u snem 1996.

Ia u la bihsar bad la lap ba u don kti ha kane ka kam, ka iing bishar ka shim ia ka rai ban sdien phasi ia u. ha u snem 2003, na ka liang jong u Holiram u la thoh ia ka shithi pan map hapoh jong ka Guwahati High Court jong ka jylla Assam hynrei ha u snem 2004 ka iing bishar ka la pynskhem ia katei ka rai.

Dei ha u snem 2005 ka iing bishar kaba ha khlieh duh jong ka Ri India kala pynsangeh ia katei ka tai sdien phasi.(SP News)

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet