New Delhi April 02: Ka Asian Centre for Human Rights (ACHR) ka la ai ia ka jingujor sha ka National Human Right Commission (NHRC) pyrshah ia ka Hindi-Station jong ka Delhi University da kaba kyntait ia ki samla pule na ka North East hapoh katei ka skul bah.
Ka ACHR ka ong ba kane ka jingle ka la pynkhein ia ka kyndon jong ka riti synsahr jong ka Ri India Article 14 kane ka kyndon ka ong ba baroh ki don ia ka hoh ba mar ia ryngkot bad ka jingpynbna jong ka United Nation kaba ong halor ki hok jong ki rit paid.
Katkum katei ka phang ka long ba ki samla pule jong ka Delhi University ka long ba ki lah ban shim ia kano kano ka subject lada kim shym la pule ia ka subject MIL haduh ka kyrdan kaba la buh ha ka Higher Secondary bad Secondary School.
Hynrei haba ia dei bad ka komitti kaba la buh da ka Delhi University ban peit thymmai ia ka jingpyniaid ha kaba ia dei bad ka Syllabus la buh ba ki samla pule ki dei ban shim ia ka ktien Hindi lane ia kiwei ki 22 tylli ki ktien pule ia ka Modern Indian Languages(MIL) ha ka kyrdan graduation jong ka Delhi University.
U Director jong ka Asian Centre for Human Rights U Suhas Chakma, u la ong ba kane kam dei na kano kano ka daw hynrei ka long ban khanglad ia ki samla pule jong ka dong North East ban ioh rung ha katei ka skul buh kaba paw ha Delhi.
Na ka liang jong u Director ka ACHR u la kdew ba ia ki ktien jong ka North East kiba la ithuh da katei ka skul bah ka dei tang ia ka ktien Manipuri, Bodo bad Assamese katb ai ka ktien Khasi bad Mizo kiba la pule ha ka jylla jong ki haduh ka kyrdan Phd ym shym la ithuh hapoh katei ka skul bah. Wat la ithuh ia ki lai tylli ki ktien kum ka Manipuri, Bodo bad Assamese hynrei ym don nonghikai wat tang u wei ruh ban hikai ia kitei ka ktien. Na ka liang jong ka ACHR ka ong ba kane ka jingle ka long beain.(SP News)