Ia ka surok Syntein dang bha ka surok kulai

Mawsynram, Nohprah:  Ka thain Syntein ka don hapoh ka Hima Mawsynram bad kane ka thain syntein ka kynthup ia ki san tylli ki shnong ka Kenmynsaw, Kenbah, Mawkaphan, Dongskong bad ka Jympiat. Ka thain baroh kawei ka la ioh ia ka surok lyngba jong ka skhim PMGSY hynrei kaba sngewsih ka long ba kane ka sruok ka long thik kum ka ranap wah kaba ki khot ka thria bad kham bha ha surok kulai ban ia kane ka surok jong ka PWD.

Ki nongshong shnong jong ka thain Syntein ha ka poKa surok synteinr election ki la shah pynbiej da ki jingkular ha ki kyrtong ba kin wanrah ia ka roi ka par bad ban pynbha ia kane ka surok hynrei kumba ka long haduh mynta ym don ba peit ia ka ka jingsniew jong kane ka surok ka long sha ba palat, tang ban ia iaid ki kali ban kit ia ki marrep jong kane ka thain la ia shna pynbha hi da ki riew shimet.

Ka jingbym leh eiei jong u Nongmihkhmat (MLA) ban punurlong ia kaei kaba u la kular paidbah wat tang khyndiat ruh ka paw kumba ong ka tien phira, “khleiñ lathang jwat lapan” bad haba ki shnong ki thaw ne ki longïing longsem haba ki leit ud leit nam hakhmat u Nongmihkhmat (MLA) halor ki jingeh ba ki la ia kynduh ba u Nongmihkhmat u sngap leh eiei, na ka liang jong u, shisha u long uba kloi ban kular ban pynioh ia ki jingiarap bad u da pynpaw ruh ia ka khmat ba sngewsih bad ban leh eiei kham kloi katba lah halor kita ki jingdonkam.

Kane ka thain syntein ka  long kaba khlain bha ban pynmih ia ki marrep kum u soh niamtra, sla tyrpad, synsahr bad bun kiwei ki jait jingrep hynrei namar ka jingbym biang ka surok ka la buh ia ki briew jong ka thain syntein hi baroh kawei ha ka jingeh kaba khraw.(SP News)

 

What Next?

Related Articles

Leave a Reply

Submit Comment
*