Shillong, Naitung 31:hynne ka sngi Ka state Co-Ordination of coal Miners and Forum ,(SCCCOMDF) ka la pynlong ia ka jingialang ha Shillong, ha kaba ki nongmihkhmat na kylleng ka jylla ki la wan ban ia shim bynta ha kane ka jingialang, ki paidbah kiba la poi sha kane ka jingialang ki long na Ri lum Garo Hills, Jaintia Hills, South West bad West Khasi Hills.
Ia ka tei ka jingialang ha kane ka sngi la pyniaid da u Shongknor jong ka Forum U bah SL Khyriem, ha kane ka jingialang la iakren halor ki kam Tih dewiong bad la rai ruh ban pynsngew bad pyllait khubor sha ki paidbah.
Ha ka tei ka sngi la ioh ban pynsngew ba ia Dorkhas kaba la leitbuh ha ophis jong u prime Minister ha ka nongbah Delhi ha ka 8 tarik mynta u bnai ba la pdiang ia ka dorkhas jong ka Forum, kine baroh ki dei lyngba ki jigntrei shitom jong u bah Vincent H Pala u ba long u MP.
Ka wei ka long ruh ka Forum ka pynpaw ia ka jingsngewnguh ia u bah Pala ba u la kit khia bad leh dohiap ban ia kren bad ban pyniohrung ia kane ka Bill ha Parliament ha ba iadei halor ka kam tih bad khaii dewiong jong ka Jylla kaba la shah ktah jur bha da ka jingkhang ka National Green Tribunal.
Ka Forum ka la pynpaw ia ka jingsngewnguh ia u bah Pala ym ba u kren tang ia ka myntoi shimet kumba la pharep hynrei u kren ruh na ka bynta ki paidbah nongshong shnong ha ka jylla kaba da ki phew lak ngut ki briew ki la shah ktah na ka jingkhang tih dewiong.Ym tang katta u bah pala u la kren ha parliament bad lam lynti ban ioh pynrung ia ka ktien khasi ha ka 8th na ka bynta ka jingmyntoi u paidbah ka Bri u hynniewtrep.
Ha ka 7 tarik mynta u bnai ka Petition jong ka Furom ka la kyrpad ia ka NGT ba kan ailad ban die shwa ia u dewiong baroh u ba la dep ban tih bad ka NGT ruh ka la leh kumta, hynrei ban khang noh syndon ia u dewiong ki paidbah kim mon satia.
Ka NGT kan wan ban bishar bha halor kane ka kam ha ka nongbah Shillong kaban long ha Meghalaya High Court bad ban ioh ia ka rai jong NGT kumno kan rai kata kan long ha ka 1 tarik ne 2 tarik u bnai ban wan.
Ka Forum ka la wad jingtip ruh na ka NEHU lyngba ka RTI halor u prof O.P Singh U ba la Thoh pyrshah ia ka jingjaboh ka um ha ka wah Kupli ha jaintia Hills na ka jingtih ia u dewiong.
Ka forum ka la jied ruh ia saw ngut ki vice chairman kita ki long u bah JC Diengngan jong ka MMOEF South West Khasi Hills , bah Philip Pala jong ka JCMDA na East Jaintia Hils District, u S. Marak na Nangalbibra South West Garo Hills bad u bah James Sohbar jong ka Shahlang West Khasi Hills District.(SP News)
