Ia shim bynta u CEM ka KHADC ha ka jingialang pynkhreh dorbar ki hima khasi

Mawsynram, Kyllalyngkot 28: Ka Grand Council of Chiefs of Meghalaya, kaba kynthup ia ka Ka Dorbar Ki Khlieh Nongsynshar Ka Ri Hynniewtrep, Ka Dorbar Ki Dolloi, Ki Sirdarship, bad ia ka Council of Nokmas, kaba la long mynta ka sngi 28 tarik January 2013, ha Hima Mawsynram, mynta ka sngi ka la rai ban wer ia baroh naduh ki Dorbar Kur, ki Dorbar Shnong, ki Dorbar Hima, ki Sengbhalang, ha ryngkat ki khun ki hajar ban ia mih paidbah ban poi shaU MLA ka Mawsynram u dang kren ha ka jingpynkhreh ia ka dorbar ri ka Dorbar Ri kaba Kyrpang bad kaba Saw, (4th Special Peoples Parliament), kaban long ha ka 13 tarik 2013, ha Mairang, Hima Khadsawphra(Hima Nongkhlaw).

Ha katei ka Dorbar ba la pyniaid da u Paiem Amossingstar Syiem Malngiang, Acting Syiem, Hima Mawsynram, la ia don lang u Bah Pynshngainlang N Syiem, MLA & MDC, Chief Executive Member, KHADC,  u Bah John F Kharshiing, Co-Chairman, MIDC, Chairman, Grand Council of Chiefs of Meghalaya, Spokesperson, Federation of Khasi States, bad u Bah Harlinjai Skhemlon, Sirdar Hima Mawdon, Secretary, Federation of Khasi States, Paiem, Ryngkatdor Malai Syiem, Bah Lossanstar Jithod, Sirdar Hima Nonglait, Bah JS Chrngap, Sirdar Hima Sinai, Bah Bring Shongwan, Sirdar Hima Synnei, Dr KK Marbaniang, Myntri Hima Mawsynram, bad bun ngut ki Myntri, bad ki Rangbah Shnong jong ka thain Mawsynram.

Na ka liang u Bah Pynshngainlang N Syiem, MLA & MDC, Chief Executive Member, KHADC, u la ong ba mynta la sdang wan dur ka jingiatreilang ka ba jan hapdeng ki Hima/Elaka bad ki bor jong ka KHADC, ha kaba ka KHADC ka la shim khia ban buh ka Sub-Committee kaba kyrpang kaba kynthup lang ia ki dkhot jong ka Executive Committee, KHADC, ha ryngkat katto katne ki dkhot jong ka Federation of Khasi States, ban ia kren bad pynkhreh halor ka jingthmu pynkylla ia ka Sixth Schedule bad kiwei kiwei ki jingeh.

U Bah Pynshngainlang N Syiem, CEM, KHADC, u la ong ba ka dei ha ka Dorbar Ri ba ka jaidbynriew ka long kawei ka dur bad kawei ka sur bad kumta u la kyntu ia ki Hima/Elaka baroh ban ia tylli lang bad ia poi lang ha katei ka Dorbar Ri na ka bynta ban pynneh pynsah ia ki Riti ki Dustur jong ka Ri bad ka jaidbynriew.

Na ka liang u Bah John F Kharshiing, Co-Chairman, MIDC, Chairman, Grand Council of Chiefs of Meghalaya, Spokesperson, Federation of Khasi States, u la ong ba ka kam ka la sdang khih haduh ba ka tnad National Commission for Tribal Affairs, (NCST) Sorkar India ka la shim ia ka rai ban bthah ia ka Ministry Tribal Affairs, Govt of India ba kan leh ia kaba donkam ban pyndep ia ki jingkular bad ki jingiateh kiba la ia teh hapdeng  ka Sorkar India bad ki Khasi States. U la ong ruh ba mynta sa shisien la mih biang ka lad ka lynti ia ki Hima /Elka Khasi ban ioh ban buh ia ki hok jong ki ha kaba shai hapoh ka Constitution Ri India, bad u la ong ba ka long kaba donkam ban ioh ia ka jingiatylli jong baroh ki Hima/Elaka Khasi bad Jaintia ban ioh bam ia u sohthiang jong ka jingialeh. U la ong ba ka sur jong ka Sain Dorbar kaba khlem liang – donkam ban sawa sha ka Sain Pyrthei kaba don liang.

U Bah John F Kharshiing, Chairman, Ka Dorbar Ki Khlieh Nongsynshar Ka Ri Hynniewtrep, u la ong katba u Myntri Rangbah Duh (President) Nelson Mandela,  ka Ri South Africa, u la shah set patok haduh 25 snem ban ioh ia ka jingsynshar laitluid, hangne ha Ri jong ngi pat ka la shim por 64 snem ban ioh ia ka shithi rai bishar na ka tnad NCST ha ka 26 tarik April 2012, kaba la pynksan ia ki dulir Instrument of Accession and Annexed Agreement 17 August 1948.

U la ong ruh ba ka long ka khubor kaba sngewtynad ba ka Sorkar Jylla Meghalaya ka la mynjur hapoh ka Dorbar Thaw Ain ha u March 2012, ia ka ain Meghalaya State Finance Commission Act 2012 kaban bishar kumno bad katno yn ai bhah ia ka pisa sha ki Dorbar Shnong, Dorbar Raid bad Dorbar Hima, bad u la kyntu jur ia baroh ki Shnong bad ki Hima ba kin long kiba la khreh ha ka liang ka rukom buh jingkhien ha kane ka bynta.

Kiwei kiwei kiba la ia kren bad kiba la don lang ki long u Bah Pynshngainlang N Syiem, MLA & MDC, Chief Executive Member, KHADC,  u Bah John F Kharshiing, Co-Chairman, MIDC, Chairman, Grand Council of Chiefs of Meghalaya, Spokesperson, Federation of Khasi States, u Bah Harlinjai Skhemlon, Sirdar Hima Mawdon, Secretary, Federation of Khasi States, Paiem, Ryngkatdor Malai Syiem, Bah Lossanstar Jithod, Sirdar Hima Nonglait, Bah J.S. Chyrngap, Sirdar Hima Sinai-Mawshynrut, Bah Bring Shongwan, Sirdar Hima Synnei, Dr KK Marbaniang, Myntri Hima Mawsynram, bad bun ngut ki Myntri, bad ki Rangbah Shnong jong ka thain Mawsynram. La ioh ia ka jingkren ai khublei ia baroh ki nongwan na u Secretary, Hima Mawsynram.(SP News)

 

 

What Next?

Related Articles

Leave a Reply

Submit Comment
*