Iamir jingmud ia ki skhim jong ka sorkar pdeng ha Jaintia Hills

 

 

 

Shillong, Lber 09: Kum ka jingbteng ban iakynduh ia ki 39 tylli ki C&RD Block, ha ka jingialang ba la khot da ka Meghalaya State Planning Board ban ia kren halor ki Central Scheme na ka Sorkar Kmie, kum ka MGNREGS, IAY, bad kiwei kiwei jong ka Sorkar, ka tnad Meghalaya State Planning Board, ka la pynlong ia ka jingiakren markhmat ‘open session’ bad ki Rangbah Shnong, ki Secretary Shnong, ki Nongkitkam VEC kum ki Chairman, Secretary, bad ki Women’s representatives jong 99 tylli ki Village Employment Councils (VEC) hapoh Community Hall, Khliehriat C&RD Block, ha ka 7 tarik March 2014 bad la ia kynduh ia ki palat 160 ngut ki nongmihkhmat na ki VEC ha Khliehriat, West Jaintia Hills District,  7 tarik March 2014, ban sngap ia ki jingai jingmut ki jingsngew jong ki halor ka jingtreikam jong ki bad khamtam ki jingeh ki jingmyntoi kiba la mih na ka scheme Mahatma Gandhi NREGS /NREGA ka scheme IAY bad kiwei kiwei.

Katei ka jingialang la plie da u Bah CT Mawkon, MSC, Block Development Officer, Khliehriat C&RD, bad la pyniaid ia kitei ki jingialang da u Bah. John F Kharshiing, Co-Chairman, MSPB, & Chairman, Grand Council of Chiefs of Meghalaya, ha ka jingdonlang i ADC, ki VEC, ki Gram Sevaks bad kiwei kiwei ki officer jong ka C&RD Block.

Shwa ban sdang ka jingialang, ka la don ka jingsngap jar jar kaba shi minit na ka bynta u Ma Batskhem Lyngdoh, Dolloi Elaka Rymbai, uba la khlad ha ka por step, Ka sur na katei ka jingialang kynthup na ki Rangbah Shnong, ki Secretary Shnong, ki Chairman, Secretary jong ki VEC ka long ban kyrpad ia u Bah John F Kharshiing, Co-Chairman, Meghalaya State Planning Board, ban ia kren bad ka Sorkar Jylla 1. ban pynkiew ia ka bai nong sngi, 2. ban pynsted ia ka jingpyllait pisa 3. ban pynduna ia ka jingthoh jingtar ban duna ki register 4. ban thung shuh shuh ki Junior Engineer bad ki cashier tang na ka bynta MGNREGS; 5. ban buh ka kali kaba kyrpang ha man ka Block na ka bynta ban leit khmih (inspect) ia ki scheme MGNREGS; 6. ban plie shuh shuh ki lad na ka bynta ka lynti khleh khawlang (convergence); 7. ban pynkiew ia ka TA jong ki Gram Sevak 8. ban ai ka kamra kaba  kyrpang ia ki Gram Sevak ba kin ioh treikam hapoh Block; 9. ban pynsted ia ka rukom pyllait pisa ki Bank; 10. ban pynheh ia ka target ki disable bad ki widow ha ki Block 11. ban pynkiew ia ka dor ki material ban iahap katkum ka juk kaba mynta 12. ban ai lad ia ka Block ban shna ia ki surok rong kumba leh sha kiwei kiwei ki district 13. ban thaw lad ban pynbiang ia ki Roller na ka bynta ka jingdonkam jong ki VEC; 14. ban thaw lad ban ioh ka fund na ka bynta ban ‘repair’ pynbha ia ki surok Shnong 15. ban siew ka bai lut sngi (honorarium) ia ki Rangbah Shnong, ki Chairman, Secretary jong ki VEC.

Na ka liang u Bah John F Kharshiing, Co-Chairman, MSPB,  u la ia kynduh bad ia kren bad ki Gram Sevak, ban sngap bad sngewthuh ia ki jingeh kaba ki shem ha ki jingtrei jong ki bad ki la kyrpad ia ka State Planning Board ban thaw lad ban buh la ka jong ka Cadre khnang ban plie lad ia ki ha ka promotion namar kim don lad ban kiew kyrdan ha ka kam kaba ki trei. Ki la pynpaw ia ka jingeh ha kaba iadei bad ka leit ka wan namar ka jingjngai ki jaka ha kaba ki don ki Shnong ha kaba ki hap iaid kjat kumba lai kynta.

U Bah John F Kharshiing, Co-Chairman, u la ong ba ka por bad ka kam ka dawa ia ka Sorkar ba kan siew ka bai lut sngi (honorarium) ia ki Rangbah Shnong, ki Chairman, Secretary jong ki VEC. U la kyntu ia ki Shnong ban pynkhreh ia ka ‘Map’ jong ka Shnong, ka khana samari jong kawei pa kawei ka Shnong, u la kyrpad ia ki Dorbar Shnong kiba don ki Law Shnong ban phah jingtip sha u BDO bad sha ka office jong u khnang ban ioh ban ia kynduh kyrpang ia kitei ki Shnong kiba don ki khlaw Adong Shnong.

u Bah John F Kharshiing, Co-Chairman, Meghalaya State Planning Board, Working Group -3, bad Chairman, Ka Dorbar Ki Khlieh Nongsynshar,  u la ong ba kin sa rah ia kine ki jingai jingmut jong baroh ki Rangbah Shnong, ki Chairman, Secretary, Treasurer, jong ki Village Employment Council (VEC) bad Area Employment Council(AEC) sha ka Sorkar. U la ai khublei kyrpang namar ba ki la ioh ia ka nam lah duh hapoh Meghalaya ha kaba iadei bad ka jingpyntreikam ia ki scheme MGNREGS.

Kiwei kiba la ia kren bad kiba la don ha katei ka jingialang ki long  u Rangbah Shnong Kliehriat, i ADC Khliehriat, u Ma Manbha Kyndoh, Dolloi Narpuh, bad kiwei kiwei ki officer jong ka Khliehriat C&RD Block.(SP News)

What Next?

Recent Articles

Leave a Reply

Submit Comment
*