Ioh pdiang ka S C C ia ka khusnam 5th ‘Mother Teresa Memorial Award

 

Shillong, Naiwieng 29: ka long ka jingsngew sarong ia la jylla Meghalaya ha kaba  kaka Shillong Chamber Choir ka la ioh pdiang ia ka khusnam  5th ‘Mother Teresa Memorial Award na ka bynta jong u snem 2012. Ia kane ka khusnam la ai na ka bynta kito kiba trei na ka bynta ka bha ka miat jong u babun balang. Na ka liang jong ka kynhun  Harmony Foundation ka la ibit ia kane  SCC ba kan ioh pdiang ia katei ka khusnam.

Na ka liang jong ka SCC ka la ioh ruh ki khusnam ha kine ki snem kiba la leitnoh namar ka jingrwai kaba ki la rwai ha kylleng ki jaka ka kren ia kawei ka thong bad kata ban wanrah ia ka jingiasuk para briew dei na kane ka daw ba kane ka kynhun nongrwai na Shillong ka la ioh ia ka khusnam kum ka  His Holiness U Dalai Lama, Ms Kiran Bedi, Anna Hazare, Sayed Iqbal Haide, Oscar Fernandez bad jong ka  Kripa Foundation.

Na ka liang jong ka SCC ka dap da ka jingkmen kaba khraw ban iohi ba kane ka kynhun ka  la lah ban leh bun kiei kiei da ka jingtrei shitom ka jong ki ban kren sha ka pyrthei lyngba ki jingrwai jong ki. Kane ka jingshah pynkup burom ka jong ki lyngba ki khusnam kibapher bapher ka kren shai kdar ba ka don ka jingktah ia ki briew kiba sngap ia kaei kaba ki rai.

Kane ka jingshah pynkup burom ka jong ki kaba dang shudep ha Mumbai ha ka 28 tarik mynta u bnai ka long ka burom ym tang ia ka kynhun jong ki hynrei ia ka dong shatei lam mih ngi jong ka Ri India baroh kawei.(SP News)

 

What Next?

Related Articles

Leave a Reply

Submit Comment

*