SHILLONG,Kkyllalyngkot 31:Ki paidbah mynta kim don jingshngaiñ shuh ba kin thep ia ki pisa ha ki bank namar haba ki leit sei ia ki pisa na ki ATM ki ioh da ki pisa thok namar wat la ki dei ki pisa ba la buh da ka ATM jong ka SBI kaba don ha Jingkieng Mawlai.
u Bah N P Muktieh haba ia kren ba ki lad pathai khubor ula iathuh ba ula ioh ia ka pisa thok ha ka por ba ula sei ia ka pisa na ATM kaba don ha Mawlai jingkieng ha ka por 9 baje mynstep kane ka dei ka lut pisa ba shihajar bad ha kane ka pisa la thoh Fake note.
Ka jingioh ia ki pisa thok ba khah khah da ki paidbah kan pynlong ia ki ba kin nym shaniah shuh ban leit thep pisa ha ki bank namar kane ka ktah bha ia ki paidbah khamtam ia ki long iing kiba duna ka jingioh namar ka dei ka pisa kaba ki kamai da ka umsyep
Shuh shuh ula ong ba ka jingioh ia ka pisa thok wat na ki ATM machine ka la pyndiaw mynsiem bad ula sngewlyngoh kumno ka SBI ka shaniah ia ki briew (agent) kiba leit thep ia ki pisa ha ki machine ATM
Na ka liang u Bah NP Muktieh u sa leit ai da ka ehajar sha ki pulit jong ka Mawlai khnang ba kin pynshitom ia ki briew kiba don kti ha kaba thep ia kine ki pisa thok namar kane ka jingleh ka ktah shisha ia uba duk ba suk.(SP News)
