Shillong, Kyllalyngkot 10: Ki nongrep jong ka jylla Meghalaya kiba shong ha khappud bad ka Ri Bangladesh kiba bun ki im na ka rep sla tyrpad, kane ka jingrep mynta ka la sdang wat ha ri Bhoi da ka jingleit shong shnong ki briew na thain ri war.
Ka jingpynmih ia u sla tyrpad na kane ka jylla ha ka shisnem kan nym duna ia ka lak metric tons, ia une u sla turapd baroh la bha sha Kolkatta namar ki jaid bynriew Bengali ki sngewtynnad bha ban pyndon kam ha kaba shet jyntah.
Kham mynshuwa ka Ri Bangladesh ka juh thied ia u sla tyrpad na kane ka jylla Meghalaya hynrei ha dien ba ka jylla ka la niew ia u ba u dei u markhlaw ka la sangeh shisyndon ka jingthied ia u. Ia une u sla tyrpad la pyndon kam ym tang ha kaba shet jyntah hynrei la pyndon kam ruh ha kaba shet sha saw.
Ia ka jingdawa na ka sorkar ban pynkylla marrep ia une u sla tyrpad la leit rah ruh da u MLA jong ka Mylliem hapoh ka iing dorbar hynrei na ka liang jong ka sorkar haduh mynta ka sngap jar jar. Kane ka pynpaw ba ka sorkar kam khienkor ia ki nongrep.(SP News)
