Jur ka jingiatan tyllia hapoh ka Congress ban ioh tiket

Shillong Nohprah, 25: Ki nongialam jong ka seng Congress ki la pynpaw ia ka jingsngewdiaw namar ka jingslem palat jong ka AICC ban pynbna ia ki kyrteng jong ki kyrtong ban ia khun ha kane ka election kaban wan. Bun na ki kyrtong mynta ki don ha pdeng ka jinglynga namar ka por ruh ka la jan ban ia mih madan.

Katkum ki tyllong khubor kiba la ioh da u SP News Agency ki iathuh ba ka jingiatan tyllai hapoh jong ka seng Congress ka long ba ki nongialam ba ha khmat eh kum u Myntri rangah u Dr Mukul Sangma u kwah ban ioh ki briew kiba u kyrshan, katba u Bah DD Lapang u kwah ban iohi ki briew jong u kiba u kyrshan.

Kane ka jingiatan tyllai hapdeng ki nongialam jong ka seng Congress ha kane ka jylla ka la buh ia ka AICC hapdeng ka jingeh kaba khraw ban shim ia ka rai kumba ka long mynta kam dei kaba suk ban pynduh tiket ia u Bah Sayeedullah Nongrum na Rajabala namar u dei u sitting MLA, ha ka juh ka por ia u Bah Stanlywise Rymbai na Umroi.

Katba ha Mawthadraishan ka don ka jingiatan hapdeng jongu Bah Boldness L Nongum bad ka Kong Irin Lyngdoh, na Pynursla pat u Bah Prestone Tynsong bad u bah KK Dkhar, ka jingphah biang ia u Bah Nehlang ban ia khun na Jaintia hills ruh ka don ka jingeh kaba khraw.

Ki thymmei khubor ki iathuh ba ka jingpynslem jong ka seng Congress ban pynbna ia ki kyrteng jong ki kyrtong ka long ban khanglad ia kito kiba duh tiket na ka seng Congress ba kin nym don than eh ia ka por ban pynpra ia ka vote jong ka seng.(SP News)

What Next?

Related Articles

Leave a Reply

Submit Comment
*