Shillong Naitung, 22: Ka Central Executive Committee jong ka seng HSPDP ka ba la long ha ka kine ki sngi ka la shim ia ka rai ia ka jingai jignmut jong ka Organising Committee ban nang pynkhlain ia ka jingtrei kam jong ka seng ha ki lai tylli ki district Ribhoi district, west jaintia bad East jaintia.
U bah Ardent Basaiawmiot CEM ka KHADC haba kren ha ki nongthoh khubor mynta ka sngi u la ong “Namar kumba ka long mynta kane ka seng ka dang trei kam bha ha East bad west khasi Hill district, kumta ka CEC ka la rai ban kan pynkhain ha kine ki distric khnang bal ah ban khring ia ki paidbah ha kane ka party ba dei ruh lyngba ka jingdonkam bad ka jingkwah jong ki paidbah ba kane ka seng kan trei kam ha kane ki District”.
“Ka CEC ka la mynjur ruh ia ka jingai jingmut jong ka Organising committee ban shna noh ia ka ophis treikam jong ka seng bad shen yn sdang noh ia kane ka jingtrei namar haduh mynta hi ka seng kam pat don ia ka ophis trei kam la shu pylong ia ka jingialang bun sien ha iing sah jong u president u Bah HS Lyngdoh.
Ka CEC ka la ioh ban iakren haka ba iadei bad ka jingtih ia u marpoh khyndew u uranium ia kane ruh ka la rai ban pyrkhing bad ka pynshkem ba kan pyrshah ia ka jingtih ia u ne u Uranium.
Ka seng ka la rai ruh ban bthah ia ka special organizing committee ba kan shim ka jingkit khlieh ban ia syllok ban ia kren bad ki riew stad ain hab ia dei bad ka jingkhang ka national green tribunal ban tih ia u maw shyiap namar kane ka ktah ia ki paidbah kiba bun ba lang la ong u bah Ardent.
U bah Ardent u la ong ruh ba ka seng ka la iakren ruh halor u pud u sam ba ka sorkar kan shim khia ia kane ka jingeh khamtam ki paidbah kiba shong ha ki thain khappud katno ki mad bad ki ia kynduh ia ki jingeh kiba bun bad ka seng kan iai dawa ba ka sorkar ka dei ban pynioh ia u pud u sam u ba biang.(SP News)
One Response to "Ka HSPDP kan ia kren bha bad ki riew shemphang halor ka NGT"