Jowai, Naiwieng 27: Pynrem jur ka JSU iaka tnad Fire service jongka Police department.Ka Jaintia Students’ Union (JSU) haka jingpyllait khubor mynta ka sngikala pynrem jur iaka tnad Fire Service Jowai Station jongka Police
Dept halor ka jingkhein sting iala ka kam ha kaba bun tylli ki dukan
ki la ingkhong khait haka thylliej dieng ba klang bha ha ka shnong
phramer West Jaintia Hills haka 25/11/2013 ha ka por shiteng sngi,
tang na ka daw ba kane ka tnad Fire Service kala wan slem shaba palat.
Na ka liasng ka JSU ka pynpaw iaka jingsngewsih bad ka jingpynrem jur
ha kaba kum kane ka khep na ka liang ka Fire Service Jowai Station
kaba dei ka tnad ai jingiarap iaki paidbah ha kano kano ka por ba ing
pluh kaba la shipor haduh shi kynta tam ei ei ban poi tang naduh
Jowai kaba jngai tang kumba 12 km ei ei.
Bun sien ngi juh iohi ba tang shu ing pluh ha ki thain 8 mer lane 7mer
(khlem da kdew iaki shnong ba kham jngai kum ka Shangpung bad kiwei
kiwei) kiba jngai tang katto katne Km na jowai kane ka tnad kam juh
lap shuh iaka thylliej ding bad bunsien ka dinng ka ioh lad ban bam
shngiam iaki dukan lane ki Ing. Dang ha une u snem ngi la ioh ban
sakhi ia ar tylli ki jing pluh ding ha poh ka shnong phramer bad ha
kine ki jingjia ka jingjulor ka long kaba shyrkhei namar ka jing
bymlap shuh ki lad ba dei ban ai jingiarap ia kum kine ki jingjia.
Kumta lada dei ha kane ka rukom shakri jong kane ka tnad pyllip ding
hangno ki paidbah kin ioh iaka jingiarap ha ka khylliep mat kaba
donkam eh.
Kumta na ka liang ka JSU hadien ka jingjurip ia kine ki dukan kiba la
ing ha kane ka 25 tarik la ioh ban sakhi iaka jingjulor kaba shyrkhei
bad kumta la dawa na ka tnad (Police Dept Fire Service) kumjuh na ki
bor puyniaid District kumjuh naka Sorkar jylla ba ka dei ban buh iaka
Sub Station jongka Fire service hapoh ka Shnong Phramer lane ha ki
shnong ba marjan khnang ban dup lah ban tem ia kum kine ki ji9ngjia
bad ai ka jingshakri kaba tikna iaki paidbah khamtam kito ki shnong
kiba kham jngai naka sor jowai, bad kumjuh na ka liang ka Union kala
dawa ruh ban buh iaka Fire Sub Station haman laki jaka ba don ki pulit
kumj ki Out Post, Trafiic cell lane ki Decoity Camp khnang ba ki
paidbah kin ioh iaka jingiarap kaba paka.(SP News)
