Shillong, Iaiong 30: U Principal Secretary jong u Lat ka jylla u M S Rao mynta ka sngi u la phda da ka shithi sha u Chandra Mohan Jha Chairman jong ka CMJ University ba u Lat ka jylla Meghalaya u ba dei u visitor jong katei ka skul bah u la lap ba kane ka univerty ka la leh bun ki kam thok kam shukor.
Ha kane ka shithi la pynbna paidbah bad baroh kito khynnah kiba la shim addminsion ha u snem 2010 haduh u snem 2013 ka jingpynrung klass ia ki ka long beain, la bthah ia katei ka university ba ka dei ban weng noh ia baroh ki jingai degree jong ka sha ki samla pule.
Na ka liang jong ka ophis jong u lat ka jylla ka la ioh jingtip ba kane ka unvioersity ka la dei ai wad ia ki certificate na ka bynta ki samla pule kiba dei na ka jylla Assam ba ki la pass ia ka Phd na kane ka jaka pule, katba katei ka university ka dang len ia kane ka jingshisha.
Na ka liang jong u Lat ka jylla u la bthah ia ki bor jong katei ka University ba ka dei ban ai ia ka koiphot kaba biang sha ka ophis jong u Visitor ha lane shuwa ka 21 tarik jong u bnai Jymmang ban wan. Namar kum u Visitor jong kane ka University u la lap ba kane ka jaka pule ka la pynkhein ia shibun ki kyndn ain.
Ia ka shithi kaba la phah na ka ophis jong u lat ka jylla sha katei ka University u SP News Agency u la pynmih ha ka English section kumba ka long.(SP News)
