Jowai, Nailar 22: Ka KSU Laskein Circle ka pynpaw ia ka jingsngew artatien ia kane ka sorkar u Mukul Sangma ba kan lah ban pynbeit pud da kaba wanrah ia ka Block 1 bad Block 2 shapoh Meghalaya. Kawei ka long ba kane ka sorkar mynta ka dap da ka jingiaknieh ne ia thmu pynhap shuki bad kaba ar ka long ba une u Myntri Rangbah ka jylla , wat la u bat slem ia ka shukh, u heh tang ka tyngam bad put turoi(kum ka 15 tarik nailar) hynrei ka kam ym pat i dak ei ei ha ka jingiadei ban wanrah ia ka Block 1 & 2. Kum ban shu pynkynmaw, ha u 2002 ha Khanduli, u (L) Bah EK Mawlong, MR ka Meghalaya ba tang khyndiat por, u la lah ban wanrah ka jingmynjur bad u MR ka Assam PK Mahanta ban warah biang (re transfer) ia baroh ki jaka jong ki Khasi Pnar sha Meghalaya. Kumjuh ruh, ha ka jingleit jngoh jong u bah DD Lapang bad U Roupon Singh Ronghang (myntri sorkar ka Assam) ia ki phetwir Khasi pnar ha Sahsniang ruh ki pynbna ia ka juh kata ban wanrah ia ki jaka Block 1 napoh Karbi Anglong shapoh Jaintia Hills.
Hynrei kitai ki jingpynbna paitbah baroh artylli, ki pulom noh namar ka jingiaknieh shuki bym hun ban long Myntri Rangbah da u Khasi Pnar. “Ka seng ka pynrem jur ia kane ka sorkar ba lamkhmat da u Mukul Sangma namar kam lah ban ai jingiada ia ki paid Khasi pnar ka Block 1 kiba shah pyndik, thombor ia ki shnong ki thaw jong ki, bad shah dawa pisa na ki Pulit Assam bad ki riew shim kabu. Shaei kita ki song jingiarap ne skim kiba phi la Kular ban ai ia kane ka thain? Lano yn Urlong kata ka jingbuh Police Outpost ha Psiar ne Mukroh?” Ka jingkylli na ka seng KSU.
“Ngi kyntu ia ka sorkar lyngba ka PWD ba ka dei ban pyndep mardor ia ka jingpyntrei siang rong ia u surok na Sahsniang haduh Mowluber bad khamtam ban pyndep ia ka jingshna ia ka jingkieng Kureliya kaba la dei ban pyndep naduh u snem 2005. Ngi kyntu jur ia ka sorkar khamtam ia u Ma Sniawbhalang Dhar, Myntri ka tnad PWD, ba phin shimkhia ban pyndep ia kine ki jingtrei namar ka jingiehnoh bein ia kane ka thain ka pynpaw ba ka sorkar ka long pyrshah nongkyndong bad pyrshah ia kiba duk kiba
shaniah ha une u surok ia baroh ki jingdonkam jo ng ki”, la pynpaw u samla Leningrad Tariang, General Secretary KSU Laskein Circle.
“Ka sorkar bad ka JHADC ka dei ban pynsangeh ia ka jingleh beain ka KAADC ha kaba thung ia ki Goanbura/Rambura kaba pyntlot ia ka bor u Rangbah shnong bad pyrshah ruh ia ki deiriti u Paid Khasi pnar”, la pynpaw shuh shuh une u samla. Kyntang ia wai, ka KSU Laskein Circle ka kyntu ia ki MLA Khasi pnar ban ia tylli na ka bynta ban wanrah ia ka Block 1 & 2 shapoh Meghalaya bad kiwei de ki jingpynmyntoi ia ki paid Khasi pnar.(SP News)
