Shillong Naiwieng 21: Ka Pradesh Election Committee jong ka Meghalaya Pradesh Congress Committee (MPCC) ka la long mynta ka sngi. Ha kane ka jingiashong ban bishar bniah ia ki kyrtong kiba la pan tiket na ka seng Congress la dep ban pynbeit bad ia ka kyrteng jong ki kyrtong ynsa pynbna da ka president jong ka AICC ka Sonia Gandhi.
U myntri rangbah jong k
a jylla u Dr Mukul Sangma haba kren ha ki nongthoh khubor mynta ka sngi, u la ong ba na ki 60 tylli ki constituency, la lah ban pynbeit tang ha ki 46 tylli ki constituency. Ia ki 6 tylli ki constituency la buh teng shuwa bad ha ki 8 tylli ki constituency la hap ban phah ar ngut ki kyrteng ha kaba ka Central Election committee kan sa leh ia kaba don kam.
Na ka liang jong u myntri rangbah u la kren shai ba na ka liang jong ka PEC ka long tang ka nongpeit ban jied ia ki briew kiba don ka jingkyrmen ban jop. Hynrei ia ka rai kaba khatduh ban ai tiket iano bad ban pynduh iano ka shong ha ka president jong ka AICC namar ka AICC ruh ka don la ka jong ka rukom bishar bniah ia ki kyrtong.
U myntri rangbah u la ong ba ka jylla Meghalaya ka la lah ban ioh tang shi sien ba ia ka jingjop kaba bun paid tang da kawei ka seng sain pyrhthei hynrei haduh mynta ka jylla ka la mad ia ka sorkar khleh khaw lang. Ha kane ka election kaban wan na ka liang jong kaseng Congress ka don ka jingkyrmen ba kan sa ioh ia ka jingbun paid bad u don ka jingkyrmen ki paidbah kin sa leh ia kata na ki kam kiba ka sorkar ka la leh.
Ha kane ka sngi la don ruh ki nongpeit pyrman na ka liang jong ka AICC ha kaba ki la pynpaw ia ka jingsngewhun ka jong ki ia ka jingleh jong ka PEC. Haba ia dei bad ki jingiaknieh hangne hangtai la ong ba kine ki don ha ki seng sain pyrthei baroh namar ka Ri India ka dei ka ri synsahr paidbah.(SP News)
