Ka snem 20012 ka la leit bad ka snem 2013 ka la wan

Shillong, Nohprah 31:  Ka snem 2012 kumba ka long ka la lait na bun ki jingkulmar  ha kaba ia dei bad ka jingpakhang shnong  ha kine ki lum khasi, wat la ki la don hynrei kim shym la ktah pat ia ka shnong suk shong sain ha kane ka nongbah Shillong.

Haba peit pat sha ki Lum Garo, ka snem 2012 ka dei ka snem kaba ka thain hi baroh kawei ka don ha ka jingeh kaba khraw namar ka jingdon ka seng lehnoh GNLA bad ka jingmih jong ka seng ANVC(B) kine ki ar tylli ki seng ki la pynshong syier ia ki briew ha kaba la don bun kiba shah rah bor bad kiba shah shim noh ia ka jingim kaba kor dor ka jong ki.

Haba phai sha ka liang jong ka sorkar kumba ka long ka snem 20012 kam shym la don shisha  kata ka kam kaba ka sorkar ka la leh ban kyntiew ia ka jylla hynrei ki la bun sa tang ka jingkular bad ka jingbuh mawnongrim la iohi ba u myntri rangbah ka jylla u la bun kam tang ha kaba buh Mawnongrim.

Katba ki seng  ia kiba don lang ha kane ka sorkar, kum ka UDP kaba don kham bun ki MLA kam shym la lah ban pynkhih ne pynsmiej ia kane ka sorkar kaba la ialam da ka seng Congress wat la bun ki rai kiba ka sorkar ka shim kam shym la kynjoh ktien  ia ki seng kiba ia trei lang.

Ka snem 2013 pat ka dei ka snem ba ka jylla kan sa leit sha ka election ban jied ia ki nogmih khmat kiba thymmai. Kumba ka long mynta baroh ki seng sain pyrthei kim pat lah ban pynbna ia ki kyrtong jong ki naduh ka Congress ka NCP ne ka UDP.

Na ka liang ka NCP ha dien ba u P A Sangma u la ia khun ia ka election president jong ka Ri India, ka la kylla kyrteng noh ia lade sha ka NPP ia kaba la ialam da u PA Sangma bad kaba phyla ka long haduh ka dorbar tlang kaba khatduh ha iing dorbar ki MLA ki shnong kum ki dkhot jong ka NCP katba sha bar pat ki kam ia la de ba ki dei jong ka NPP.(SP News)

What Next?

Related Articles

One Response to "Ka snem 20012 ka la leit bad ka snem 2013 ka la wan"

Leave a Reply

Submit Comment
*