Shillong,iaiong 16: U Deputy CEM hapoh jong ka KHADC u Bah Teinwell Dkhar na ka seng UDP u la pynshai mynta ka sngi ba kum ka party kaba ia treilang ha ka kynhun ARPA hapoh ka jingiailam jong u Bah Ardent M Basaiawmoit kam don kano kano ka jingthmu ban ong ba kin pynpra ia kane ka EC synroplang kaba mynta.
U tei u nongialam jong ka UDP u la ong ba ki dang dep ban ia kynduh shen kum ka ARPA ban ia kren bad ban ia pynskhem ba kin ia treilang hapoh ka jingialam jong u Bah Basaiawmoit kum u CEM. Halor ka jingong ba ka seng UDP kan mih noh ha dien ka jingpynbna ia ka resolt MP ka long ka bym shisha la ong u Bah Teinwell.
Ka UDP kam don kata ka jingmut ban ong ban pynpait pynpra ia ka ARPA ha KHADC ne ban pynkhyllem ia u CEM u bah Ardent Miller Basaiawmoit. hynrei kin ia trei lang , u la ong ruh ba ha ka sngi ba ar ki dang ia kynduh lang ban ia pynbeit ba kin ia long ka wei bad kumba ka long mynta hi kam don kano kano jingiapher jingmut.
Na ka liang jong ka seng UDP hi baroh ka wei ym shym la iohsngew ba wat tang u wei ruh ban ong ba kin phet noh na ka ARPA hapoh ka jingialam jong u bah Ardent ba kin leit pyniasnoh bad ka seng Congress bad ka seng UDP ka kwah ban iatreilang ha KHADC.
Wat la ka don ka jingiakawang ktieh ha kane ka MP election ruh hynrei kam don kano kano ka jngktah ia ki bad kane ka la shu kut noh kumto bad kam don jingktah ia ka ARPA, bad baroh lai tylli ki seng kiba kynthup ia ka KHNAM ka HSPDP bad ka UDP ki don tang kawei ka jingmud ban ia treilang, la ong u Bah Teinwell Deputy CEM ha KHADC.(SP News)
