Shillong, Risaw 31: Mynta ka sngi ki pulit jong ka nongbah Shillong ki la kem ia saw ngut ki briew kiba la pyrshang ban pynmynsaw ia ki pulit bad ki Magisrtate katba ki dang leit sha Lapalang ban pynpra ia ki iing ba la shna beain ha ka jaka kaba la tip kum ka Behari Collony.
Kine ki saw ngut kiba la shah kem saw ngut ki briew bad la tip kyrteng kum u Uma Shankar Rai 25 snem, Ramji Rai 50 snem, Suraj Rai 32 snem bad u Lallu Rai 45 snem. Ia ki baroh la dep rah sha iing bihsar ba ka iing bishar ka la shah ia ki pulit ba kin tohkit ia ki na ka bynta 6 sngi lynter.
Katkum ki lad khubor kiba la lah ban ioh la ong ba ki pulit ryngkat bad ki magistrate ki la leit sha Lapalang, ha ka jaka kaba la khot sin kum ka Bihari Collony ban peit ia ki iing kiba la kynnoh ba la shna beain ha katei ka jaka.
Kaba la pynkyndit ia ki pulit bad ia ki bor jong ka ain ki magistrate ba ki la don ki briew kiba shong ha katei ka jaka ki la rah da kit air ki tar pynmynsaw bad beh ia ki pulit. Na ka liang jong ka ain ka la shim khia ia kane ka jing jia bad la ioh ban kem ia ki mynta ka sngi.(SP News)
