Shillong, Iaiong 15: Ka kynhun ba kyrpang jong ki pulit ka jylla Meghalaya ha dien ba ki la ioh jingtip ba kila don ki lehnoh GNLA kiba la kiew sha kane ka nongbah Shillong kila pynlong ia ka jingpeitngor bad kane ka jingleh jong ki pulit la lap ba ka long kaba jop ha kaba ki la ioh ban kem ia ki lai ngut ki dkhot katei ka seng na Iew Mawlong.
Na kine ki lai ngut ki lehnoh ki pulit kila ioh ban kurup ka pisa T.28,7901 tyngka lem bad ki sim cards kiba bun la ioh na kine ki dkhot jong ka seng GNLA bad kine ki dei na ki bynta bapher bapher jong ka jylla Meghalaya.
Ki pulit kila lap ia ki dur kiba la ia shong lang ki kdhot katei ka seng lehnoh ha ryngkat ka jingkieng ia ki atiar ialeh kine ki dur la lap na ka mobile jong ui Rajesh M. Marak u ba dei na Chokpot, South Garo Hills, u Herison K.Sangma na Mandagabil, North Garo Hills, Mital M.Marak na Ringku ba hap hapoh jong ka East Khasi Hills.
Na ka liang jong ki pulit kila kut jingmud ban leh tyngeh ban pynlong ia kane ka nongbah Shillong kaba shong suk. Ia kine ki lai ngut ki lehnoh jong ka seng GNLA la phah ha kti jong ki pulit na ka bynta khatsaw sngi ban tohkit ia ki.(SP News)
