Tura, Naitung 26: U Pulit bala mynsaw ha ka jingshah pynbthei bom ha Garo Hills mynin ka sngi u R marak u la khlad mynta ka sngi hapoh hospital ha Guwahati.
Ia kine kiba la khlad la pyndon burom mynta ka sngi ha Police Reserve, katba kiwei kiba mynsaw malu mala la sumar ia ki ha Tura Civil Hospital.
Na ka liang jong ki pulit ki la kdew kti ba ia kane ka kam la leh da ki lehnoh jong ka kynhun GNLA, hynrei na ka liang jong ka tei ka seng lehnoh kala kyntait ia kane ka jingkynnoh jong ki pulit.
Naka liang jong ka GNLA ka kynnoh kylla mynta ba ia kane ka dei ka kam buit poh jong ka sorkar la ong u Savio Marak u wei na ki nongialam jong ka seng ha ka jingpynlait khubor ka jong u mynta ka sngi.
Ka dei ka kam kai suda ia ki pulit ba kin pynkut da kaba ong ba ka dei ka seng GNLA kaba leh ia kane khlem da lap ia ki jingshisha baroh, la ong ba kane ka jingleh ka dei ka jingwad lad wad lynti kumno ban pynthud ia ka shong suk shong sain ha Garo Hills.(SP News)
