Ki liang pyrshah ruh ki dei ban don lang ha ka committee: Conrad K Sangma

Shillong, Nohprah 13: U myntri ba dei peit ia ka tnad khyndew  u Bah RC Laloo haba jubab ia ka jingkylli jong u Bah Paul Lyngdoh u la ong ba ki jaka jong ki shipai kiba do ha kane ka nongbah Shillong baroh ka long 2096.12 Akar. Na ka liang jong ka sorkar ka juh ia kren na ka por sha ka por ban ioh ia ki jaka na ka bynta ban tei ia ki kam pynroi na ka bynta jong ki paidbah.

Haba jubab pat ia ka jingkylli bymrap jong u Bah Paul na ka liang jong u myntri u la iathuh hapoh ka iing dorbar ba ka sorkar ka la thaw ia ka committee ban ia kren ia kane ka kam ha kaba u myntri rangbah ka jylla u la ong u Chairman bad kane ka Committee ka la shong ban ia kren ar sien.

Haba ia dei pat ba ka jingdawa ba dei ban don ia ka All party committee ha kaba ia dei bad kane ka kam khyndew bad ki shipai naka liang jong u myntri u la iathuh ia ki dkhot jong ka Committee ha kaba ka liang pyrshah kam shym la don dkhot ha kane ka Committee.

U Nongialam ka liang pyrshah u Conrad K Sangma u la dawa hapoh ka iing dorbar ba ka sorkar ka dei ban kynthup lang ha kane ka Committee ia ka liang pyrshah bad ia ki wei de ki seng sain pyrthei kiba don ha kane ka iing dorbar.

Na ka liang jong u myntri u la iathuh hapoh ka iing dorbar ba ka jingpan jaka jong ka sorkar na ki jaka jong ki shipai ka long ban pynkylluid ia ki surok, ban tei ia ki ophis sorkar bad kum juh naka bynta ki jaka iing kali.(SP News)

What Next?

Related Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet