Shillong, Jylliew 03: Ka State institute of Rural Development ryngkat bad ka Meghalaya lnstitu
te of Governance (MIG) lem bad ka Change Panchgani (IofC) ka la pynlong ia ka jingai jinghikai kaba kyrpang na ka bynta ki Gram Sevaks jong ka jylla.
Baroh ki Gram Sevaks kiba la poi sha kane ka jingai jinghikai kaba kyrpang na ka bynta ar bnai lynter ki long 675 ngut bad ka jingai jinghikai kan long ha ki 16 sien naka bynta kitei ki nongtrei sorkar.
Ka jingthmu jong kane ka jingai jinghikai ka long ban hikai ia ki kumnob an pyntrei kam ia ki skhim sorkar kiba wan na ka por sha ka por ha ki nongkyndong na mar ki kam ki kylla na ka por sha ka por bad ka don kam ka jingtip na ka bynta jong ki namar dei ma ki kiba ia dei beit bad kipaidbah.
Ia ka jingialang la plie da u Chief Secretary jong ka jylla u Bah WMS Pariat ha kaba kiwei ki heh sorkar ki la ia don lang. Na ka liang jong u Chief Secretary jong ka jylla u la ong ba ban ai jinghikai ka long kaba don kam namar ha ki nongkyndong dei ma ki kiba trei ia ka kam bad ki paidbah.
Ha ka jingkren jong u K S Kropha principal secretary jong ka tand pynroi nongkyndong u la nga ki paidbah ha ki nongkyndong ki phai khmat sha ki Gran Sevaks na ka bynta ban ioh ia kano kano ka jingtip na ka sorkar, ki long kum ka lad jingtip ia ki paidbah. Ha kane ka sngi ki la don ruh kiwei ki heh sorkar kiba la ai jingkren.(SP News)
