Shillong, Risaw 31: U Bah Welbirth Rani Genenral secretary jong ka FKJGP, kaba dei kawei na ki seng kiba ia don bynta lang ha kane ka jingiakhih ban dawa ia ka ILP ha kane ka jylla, ha ka kyrwoh kaba la phah mynta ka sngi la ong ba na ka liang jong ki seng bhalang ki kwah ban poi sha ka jingiakren, hynrei na ka liang jong ka sorkar ruh ka dei ban pyni ia ki dak ki shin.
Na ka liang jong u tei u nongialam jong ka seng FKJGP u la ong ba ka sorkar ka dei ban pynia ia ki dak ki shin ba ki kloi ban ia kren da kaba sangeh ban thwet ia ki nongialam jong ki seng bhalang. Haba ki la pynpaw ia ka jingkloi ba kin wan sha ka jingiakren.
U tei un ongialam jong ka seng u la ong ba naduh ka sngi kaba sdang na ka liang jong ki seng bhalang ki la kren bad pyni ba ki kloi ban ia kren lada ka sorkar ka sngap hynrei na ka daw jong ka jingbym ia sngewthuh jingmud ka la pynlong ia ki seng bhalang ruh ba kin ieng ha la ka jong ka nongrimban dawa na ka sorkar ba dei ban iada ia ki riew paid kane ka jylla, ki Khasi Garo bad Jaintia.
U bah Rani u la ong ba kum u myntri rangbah ka jyllau ba dei u nongialam ka jylla u la dei ban khang kylluid ka jingmud jingpyrkhat ban wad ki lad ki lynti kumno ban weng noh ia kane ka jingeh kaba don ha ka jylla mynta.
Kaba sngewsih ka long ba u myntri rangbah u la ong ba kane ka jingjia baroh ka dei kaba ia khleh politic, na ka liang jong ki sentg bhalang ki pynshai ba kam don kata ka jingiakhleh politic hynrei ka jingialeh ka jong ki ka long ban dawa na ka sorkar ban ia da na ka jingwan kyrthep jong ki briew kiba na bar.
“ ngi ia kubur ia kawei ka jingshisha ba ka jingwan tuid jong ki briew sha kane ka jylla ka long kaba la palat bad ia kane yn nym don ba lah ban len, baroh ar liang ia tip ia kane ka jingshisha”.
U Bah Welbirth Rani u la ong ba na ka liang jong ki seng bhalang ki kwah ban pynshai ha khmat jong ki paidbah bad ka sorkar ba kathung ka jong ki ka long ban dawa na ka sorkar ba dei ban iada na kane ka jingwan tuid kyrthep ki briew kiba na bar wat la kam dei da ka ILP.(SP News)
