Kohnguh ki Dorbar shnong ia ka jingkyrpad u Deputy Commissioner

Shillong, Nohprah 18: Ki dorbar shnong jong ka nongbah Shillong ha kane ka kynti pynkhuid shnong mynta u snem ki la pdiang ia ka jingkyrpad jong u Deputy Commissioner jong ka East Khasi Hills ba kin sngewbha ban nym khang ia ki surok ha ki sngi pynkhuid shnong.

Mynta ka sngi bun bah ki shnong ha kane ka nongbah Shillong ki la pynkhuid ia la ki jong ki jong ki shnong bad ki dong bad kane ka dei ka juh leh man u snem hynrei ha ki snem kiba la dep  ka la don ka jingkhang ia ki surok haduh ba ka la thud ka liet ka wan jong ki paidbah.

Na ka liang jongu Deputy Commissioner haba kren ha u SP News Agency, u la ong ba kam dei ba u ong ei ei hynrei ka dei ka jingkyrpad ia ki dorbar shnong ban ia pynbeit bha ia kane ka kam bad ki bor pulit kiba lah ban pyniaid ia ki kali kiba hapban iaid na ki surok.

La iathuh ba u la ioh bun ki jingujor na ki dong bapher bapher ha kaba ia dei bad ka jingkhang kali ha ka por pynkhuid shnong bad kane ka la buh ruh iaki paidbah kiba iaid ba ieng ha bun ki jingeh namar ka jingpynkhuid shnong.

Halor kane ka jingujor ba u la ioh ba u sa pyrshang ban wad ki lad  ki lynti kumno ban pynlait ia kane ka jingkhang surok ha ka por pynkhuid shnong da kaba don ia ka jingsngewthuh jingmud lang bad ki dorbar shnong.(SP News)

What Next?

Related Articles

Leave a Reply

Submit Comment
*