Shillong, Naiwieng 19: U Bah Obil Kyndait Chairman jong ka Jaintia Hills Autonomous District Council (JHADC) u ba la ieh noh dang shen ia ka seng Congress u la shim ia ka rai bay n ia khun kum u kyrtong shimet ha kane ka Election MLA ka ban long ha u snem 2013.
Ki thymmei khubor ki iathuh ba ka jingiehnoh jong u bah Kyndait na ka seng Congress ka long ba u kwah ban ia khun ia ka MLA Election na ka Khliehrait ha kane ka constituency kaba dang phiah thymmai. Kane ka jingshim ka jong u ia kane ka rai ka long ha dien ba u MLA jong kane ka jaka u Bah Nehlang Lyngdoh u la rai ban nym ia khun shuh na katei ka jaka.
U Bah Kyndait u la long teng u MLA jong ka Rymbai ha ki por mynshuwa bad ia kane ka constituency mynta la tip kum ka Khliehriat ha kane ka jingphiah thymmai ia ki constituency. U Bah Kybdait u la long u MDC bala rim tam eh ha poh jong ka KHADC.
Ha kine ki snem baroh u la long ruh u CEM jong ka JHADC, u ba bat bun tylli ki kam ha kane ka District Council bad ha kane ka kynti kaba mynta u la shah jied kum u Chairman jong ka JHADC, hynrei ym shym kwah ban don kano kano ka jingia bun nia hapoh jong ka seng Congress u la mih noh na ka seng Congress bad mynta un ia khun kum u kyrtong shimet ha kane ka MLA election ka ban wan.(SP News)
