Nongpoh, Naitung 30: Ka 1st Ri-Bhoi District Level Kickboxing Championship 2014 kaba 2 sngi ka la kut noh ha ka 26 tarik ‘Naitung 2014 ha Shnong Umling Umsarang ha kaba U Bah M Syiem President Ri Bhoi District Sports Association u la long kum u Kongsan. La plie ia kane ka jingialehkai ha ka 25 ‘Naitung 2014 da u Kongsan Jaian Sylliang President Northern Border Area KSU ha ka jingiadon ryngkat lang U Rangbah Shnong Bah Dros Lyngdoh Umling Umsarang 75 kms na Shillong. U Bah Lyngdoh ba ia kane ka C’ship la pynlong da Ka Ring kaba la shna kyrpang da ki nongshong shnong da ki siej ba mih kyrhai. U Bah Fourwell Khongmalai u la long Championship Director ryngkat bad U bah Edward Mawthoh bad Arson Suting kum ki Technical Referees ha kaba u Bah Donny Ranee u la long kum U Overall Supervisor & Chief Technical Adviser ka Meghalaya Association of Kickboxing Organisations (MAKO).
U Bah Thomas Rangthaluh President of Kickboxing Association of Ri-Bhoi District kum U Chief Organizer jong kane C’ship kaba 2 sngi. Don baroh lang kumba 60 kiba la ia shim bynta ha kaba ka best team trophy ka la leit sha ka Nongtluh Area hajan Umden. Runner’s up trophy bla rah da ka shnong Tasku kaba don hajan Lailad. Fair Play Award lane Most Disciplinary Team trophy la rah da ka Shnong Umling Umsarang. Kiwei pat kiba la jop ki long ha ka 50 kgs Senior, New Comer Tado takma ksiar ha kaba takma rupa bad rnong la rh da u Ioannis Thangkhiew, Gilbert Klein bad Banaibor Ranee. Ha ka 52 kgs junior u Barsing Maring, Basterwell Laloo, Fairdinand Klein bad Kwiranus Laloo ki la jop ia ka takma ksiar, rupa bad rnong ruh. Ha ka 60 kgs senior, u Bikshiar Iangi, Sibu klein, Pynborlang maring bad Plielad Pator ki la jop ia ka takma ksiar, rupa bad rnong. Ha 48 kgs junior, Anthony Shadap u la ioh takma ksiar, Everest Diya rupa, Donlang Trang bad Mathes Makri ia ki takma rnong. Ha ka 40 kgs junior, takma ksiar ka la leit sha u Kiran Malai, rupa sha u Rosterwell Thangkhiew bad ki takma rnong sha u Banteilang Maiong bad Bankyrshan Lyngdoh. Na ka bynta 44 kgs junior, Silverstar Marten (takma ksiar), Banskhem Waniong (takma rupa). 36 kgs sub-junior u Bilshon Thangkhiew (takma ksiar), Samuel Syngkli (rupa). Kickboxing ka dei kawei pat na ki jingialehkai martial arts kaba haduh 8 jait ki jingialehkai. Kawei na kita ki long ka Musical Category bad Aero kickboxing. Ha Tatami, don lai jait kiba la tip kum ki Point Fighting, Kicklight and Light Contact. Kiwei pat kum ha ka Ring Sports ki long Full Contact, Lowkick, Thaikick (K-1) bad kaba kham pawnam mynta ka long Ka Professional Kikboxing ha kaba Ka MAKO ka la rai ban pynlong ha ka sien kaba nyngkong ha Shillong ha u bnai Nohprah 2014 ha kaba ka trophy kan long da ka prize money ia kiba jop.(SP News)
