Jowai, Nailar 20: kawei ka kali Tata Nano ba wan na Assam Silchar ba don ia u No.AS01E8368 ka la lymbub ia kawei ka longkmie hajan ka Weigh Bridge JHADC Sonapyrdi,bad kane ka longkmie ka la mynsaw jur bad la pynkit ia ka sha Kalain ban ioh Check-Up.Kane ka longkmie kaba kyrteng Silsila Talang ba naka Shnong Sonapyrdi ka tyrwa die kwai bad jingbam ha katei ka sngi namar ka jingsahkut kali na ka jingtwa khyndew.
Katkum ka jingiathuh jong ki katto katne ngut ki kynthei ba iadonlang ha katei ka por utei u Dribar ba niah ia katei ka Tata Nano lem bad uwei u paralok jong u ki la dep shongshit kiad bha bad kita ki briew la phet bad ieh ia ka kali hangtei tang marsien dep tynrah ia katei ka longkmie, ha kaba naka liang kiba haiing ha sem katei ka longkmie ha katei kajuh hi ka sngi ki la leit ban ujor FIR sha Thanad jong ka Police Anti Dacoity Camp kaba don ha Lumshnong.
Hynrei na kaliang ki pulit haduh mynta kim shimkhia eiei iakatei ka jingujor katei ka Longkmie imat kim don por ban shimkhia ia ka jingeh ki paidbah. Lada long ha kane ka rukom, ki paidbah ki duh jingshaniah ia ki bor jong ka ain khamtam kiba duk ki kup shiliang sem shiliang. Kumno kane ka kali Nano ka ioh lad ban phet na katei ka jaka haba na ka liang kiba ha ing ki la dep shimkhia ban ai jingtip sha ki pulit.
Ha kaba iadei bad katei ka jingjia naka liang ka KSU Narpuh Circle ka pynrem jur ia kane ka jingbymshimkhia ki bor pulit wat haba la dep ujor da kiba ha iing kayei ka longkmie ruh . Ka seng ka pynpaw iaka jingngewsynei ia kane apot iakatei ka longkmie bapli ha ka jinglongduk kaba don iwei i khun kynthei ba dang 2 snem 8 bnai. “Na ei kane ka longkmie kan ioh jingiarap ban siew bai lut naduh ki dawai ki dashin,
ka bai kali bad bai sumar na ka bynta katei ka jingshitom? la pynpaw u General Secretary ka KSU Narpuh Circle “Lada ki pulit kim shimkhia ia ka jingeh ki paidbah ym don jingmut ba kin don hangto” la pynkut utei u samla.(SP News)
