Shillong, December 11: U shnongknor jong ka iing dorbar u Bah Charles Pyngrope u la kyntait ban pdiang ia ka adjournment motion kaba la wanrah da ka liang pyrshah ban ia kren halor ki kam bamsap ha kane ka jylla.
Haba kyntait ia katei ka jingkwah ia kren jong ki liang pyrshah ia kaba la wanrah da u nongialam ka liang pyrshah u Conrad K Sangma na ka liang jong u shongknor u la ong ba u sngewthuh ia ka jingdon kam bad ia ka phang ban ia kren hynrei ka don ka rule ba ym lah ban pdiang ia kane ka jingiakren.
U la kdew ba katkum ka kaba ki hap ban but ia ka rukom pyniaid ia ka iing dorbar ka kren shai ba ia ka adjournment motion lah ban wanrah da kaba kdew shai ia ka phang jong ka mat ban ia kren. Kane ka ba la wanrah mynta ka shu kren kyllum ia ka phang bamsap kam shym kdew ei ei ruh halor kano ka bynta.
Na ka liang jong u shongknor u la kyntu ia u nongialam ka liang pyrshah ba u lah ban wanrah ia kane ka juh ka jingkwah ka jong u ha ka dur jong ka motion, resolution, ne ha ka dur jong ka Zero hours’ notice. Na ka liang jong u nongialam jong ka liang pyrshah u la pyrshang ban pynksan ia kaei kaba u la buh hakhmat ka iing dorbar hynrei na ka liang jong u shongknor u la on gym lah ban leh namar u kwah ban pynkhien ia ki kyndon pyniaid hapoh ka iing dorbar.(SP News)
