Guwahati Naitung 05: Kum ban pynphai nia ia ka jingkynnoh jong u president ka BJP Rajnath Singh’s halor ka jingong ba ka Congress kam don jingthmu ban pynbeit ia ka kam mynder ri, na ka liang jong u Chief Minister ka jylla Assam u Tarun Gogoi u la ong kylla ba ka BJP ha ka por ba ka don ha ka bor kam shym leh ei ei na ka bynta kane ka kam.
Na ka liang jong u Chief Minister ka jylla Assam u la ong ba kane ka jingkren jong u nongialam jong ka BJP kam dei kaei kaei ruh hynrei ka dei ka jingkren tang namar ba la jan ka election. Ha kaba ia dei bad ka jingkam ba ki la jop ha ka election Municipal, kane ka long kaba bakla namar ka BJP kam shym la lah ban jop bun kumba ka long ha ki election kiba la dep.
U tei u nongialam jong ka BJP u dei ban sngewthuh ba ka Congress ha ka ioh ban bat marwei ha kane ka election sha ka GMC . U Tarun Gogoi u la ong ruh ba ka seng Congress ka la leh bun kiei kiei na ka bynta jong ki paidbah dei na kane kadaw ba ki paidbah ki la pynjop donburom ia ka Congress ba kan bat marwei ia ka GMC.
Hab ai dei bad ka jingpynbeit ia u pud u sam bad ka Bangladesh na ka liang jong u myntri rangbah ka jylla Assam u la ong kane ka jingiapynbeit ka wan rah ia ka jingmyntoi jong ka jylla Assam bad ka jylla Assam ka kham ioh jingmyntoi. Da kane kan wan rah ruh ia ka jingiapynbeit pud kaba beit ha kaba kan nym don shuh ka jingia kajia pud bad ka Ri Bangladesh.(SP News)
