Tura, Naitung 21: Ka seng samla pule ka Garo Students Union (GSU) mynta ka sngi kila kyntu ia ka sorkar pdeng Government of India (GOI) ba ka dei ban pynkloi noh ia ka jingiakren ia suk hapdeng ka seng ANVC bad ka seng ANVC(B) bad ban thaw noh ia ka A’chik Territorial Council,(ATC) kaba shipor la ong u John Miltu Sangma, general secretary ka seng.
Ki nongialam jogn ka GSU hapoh ka jingialam jong u president u Tengsak G Momin kila ia kynduh ia u myntri khynnah ka tand kam poh iing jogn ka sorkar pdeng u Kiren Rijiju ha New Delhi. Ha kane ka jingiakynduh kila batai ha u ia ka jinglong jingman jong ka shong suk shongsain ha Garo Hills bad ka jingwan tuid ki bar ri sha katei ka jaka.
Ha kane ka jingiakynduh na ka liang jong u Rijiju u la ong ia ka jingthoh na ka bynta ban ia soi ia ka sos kular ia suk ka sorkar pdeng kala dang pynkhreh mynta bad na ka liang jong ka sorkar pdeng kala shim khia ban peit ba ka jingshong suk ha katei ka thain ka dei ban wan noh kham kloi. La ong ba ha dien kane ka jingshong dorbar ka sorkar kan sa khot ia ka (ANVC bad ANVC-B) ban ia soi ia ka soskular ia suk.
Ha kane ka jingiakynduh bad u myntri kam poh iing ka GSU kala kyntu ba ka sorkar pdeng ka dei ban khot ruh ia kiwei ki seng lehnoh kum ka GNLA, ASAK bad kiwei kiwei sha ka miej jingiakren bad ka sorkar ka dei ban peit ia kaei kaban leh na ka bynta ban wanrah ia ka jinglong jingman kaba lah ban poi sha ka jingiakren ia suk.
Haka juh ka por na ka liang jong ka GSU ka kyntu ia ki seng lehnoh ha Garo Hills ba ki dei ban kiar na ki jingiaumsnam na ka bytna ban wanrah ia ka jingshong suk shong sain.Ha ka juh ka por u myntri ruh u la ong ba lada ki seng lehnoh kim sangeh ia ki kam pyntriem ka jong ki ka long kaba eh ban ia kren ia suk.(SP News)
