Kyrshan ka JSU ia ka pakhang shnong ba 24 kynta la shai ka sngi ha EJH

Jowai, iaiong 15: Ka Jaintia Student Union (JSU) Narpuh Circle bad ka Jaintia YouthFederation (JYF) East Jaintia Hills da kawei ka jingmut ki la rai ban ai ka jingkyrshan ka ba pura ia ka ne ka jingiakhih ki 5 Seng kiba la ieng skhem ban dawa na ka sorkar ban maramot noh mardor ia ka surok NH 44 uba la jot rathai naduh ba la shimti da ka tnad PWD jong ka sorkar jylla kaba la ieh khunswet khlem leh ei ei ne patiaw ia ka jingdawa
jong ki paitbah nongshong shnong ka East Jaintia Hills District bad tad haduh mynta haba la shimti daka NHAI.

Ka Jingbym shimkhia jong ka Sorkar Jylla ban sngap ia ka jingdawa jong ki san Seng kiba la ialam khmat ha ka ban pynbor ia ka Sorkar Jylla lyngba ka tnad PWD kaba dei ban peit ia ka kamram ban pynbha ia ka surok NH 44 u ba dei u budlum jong ka thain shatei lam Mihngi ka Ri India, u ba pyniasoh ia ka Jylla Meghalaya bad ka Assam, Mizoram, Tripura bad Manipur kaba la kylla long ka jingma kaba khraw ia ka iaid ka ieng ki kali kiba la thung baji man ka por na ka daw ba lah jur palat ka jingsniew bad dap satang ki thliew hapdeng surok uba lada thung da u tynrai kwai ruh u lah ban mih bad seisoh bha.

Na ka liang ka JSU Narpuh Circle bad ka JYF East Jaintia Hills ki pynpaw ba kim kwah ban tip ia kata ka jingianoh tai hapdeng ka sorkar jylla lyngba ka tnad PWD bad ka National Highway Authority of India kaba la shimtia ban shna ia une ka surok  NH 44 naduh u bnai Dec 2013 hynrei ki maham pat ba ki paidbah kim dei satia ban long Niangknia hapdeng kane ka jingianoh tai bad ka jingiakynnoh kaba mar kylliang,
kumta ka Sorkar hi ka dei ban bah khlieh bad ka dei ban sngap noh kloi lan ia kane ka jingdawa jong ki SRS bad ki sengbhalang kiba don ha kane ka thain na ka bynta ka bha ka miat bad ka jingmyntoi jong u ba bun ba lang.(SP News)

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet