Shillong, Iaiong 10: Ki shipai BSF lyngba ka skhim Civic Action Progrmane mynta ka sngi ki la ai jingiarap ia ki paidbah ka thain Gumaghat da ki tair kiba bynjaid naduh ka kor lur pynthor haduh ki philtar buh umdih.Ki shnong kiba la ioh ia kane ka jingiarap ki long ka Karaigora, Kakergora, Nalikata, Rajapara, Majesora, Hemanagar, Tillagaon, Rajai, Randu, Barsora, and Gumaghat kiba hap hapoh jong ka South West Khasi Hills District.
Ki tiar kiba la ai da ki BSF ki long kiba shongdor haduh katta ha kaba ka sorkar jylla ruh ka shem jingeh ban iarap ia ki paidbah, ki tiar kiba la sam ki long ka ,Power Tiller, Tulu Pump ,Wooden Chairs ,Water storage tanks, Dual desk bench ,Godrej Almirah,Water Filters ,Footballs (including Football shoes and dresses, Volleyball sets (Including dress bad ki Net, Cricket Set ,ki khiew shet jingshet.
Ha ka jingkren jong u IG BSF u . Sh Sudesh Kumar, IPS u la ong ba ka jingsam ia kine ki power tiller ka long ban iarap ia ki nongrep ba kin kiew ha ka ioh ka kot ka jong ki. U la ong ba ki nongrep kiba don ia ki jaka rep sha shiliang jong ka jingker sainar shiah ruh ki dei ban rep da kaba pyndon kam ia kine ki kor kiba la ai mynta ka sngi.
Na ka liang jong ki shipai BSf ki don ia ka jingpyrkhat man ka por ba ki kwah ban iarap ia ki briew kiba don ha khappud bad ka Bangladesh. Man u snem ki juh pynlut haduh T.50 lak na ka bynta ban ia rap ia ki briew ka thain khappud. Ka jingdon jong ki BSF ha khappud ka long ban ai ka jingiada bad ka shong shngian.
Ha ka juh ka por na ka liang jong u heh duh ki shipai BSF ba dei peit ha kane ka jylla u la ong ba ka tei ka thain ka dei ka jaka kaba ki leh noh GNLA bad ka kynhun ANVC(B) ki trei kam bha ban dawa pisa na ki paidbah. Na ka liang jong ki BSf ki kyntu ia ki paidbah ba kin ia treilang ban ialeh pyrshah ia ki. Ha ka juh ka por ka jingwan ka pisa thok a Bangladesh ka pynsniew ia ka iew ka hat ha kane ka ri India. (SP News)
