Shillong,Iaïong 23: U Bah CA Diengdoh u sordar ka Shnat Raid Tynring bad Khyrim Syiemship ka East Khasi bad Ri Bhoi District ula kynnoh ba ka jingdon ka Cristabel ka long kum ka syiar khynthei kaba kynih bad ki syiar ryngkuh lyngraw kiba son ha ka ruh jong ka,kiba la set kyllut ia ka pyrthei ka mariang baroh ka long kaba shisha bad la kynto ia ka pop ba ki poi ei kin hap syndon ha ka ruh nar ka aiñ bad ka hok jong ka Tynring ka la ieng rasong ha khmat u briew ha khmat u Blei.
Kitei kiba kam rangbah shong jubor khlem ka sanat kata u Mawkduk,Lumdiengngan,Kyrdeng,Wah myntait,Mawkynring bad kiwei ki bad dei ki riew thrang snam kiba hiar thma ia ki saw tylli ki long iing ha Wahswat Tynring bad kiba la ngat ha ka kti jong ka aiñ kim don lynti shuh da kumwei pat namar ba kat kum ka rai (Judgment order) jong ka High Court.
Ka pyni ba kitei ki nongujor mukot duma ki la dep ia khun ia katei ka mukot duma ym tang ia u sordar hynrei ia ki hynriew tylli ki bor kata ka KHADC,EC KHADC.CEM KHADC,EM i/c Elaka,u Joint secretary bad ia ki nongsaid aiñ ki long na ka liang jong ki nongujor mukot duma u Bah HS Thangkhiew.
Na ka liang ka KHADC kiba shim khia da u Bah Viban VGK Kynta na u syiem Khyrim smit,ka Poonam Yadav bad na u sordar da ka u Bah KS Kynjing ki la ia khun ia ka KHADC ia u syiem namar ba ki la rem ha kitei ki bor ba kham hapoh bad dei hangne ka jingjop jong u sordar ka Raid Tynring ka long ka jingjop ka Raid Tynring ka long ruh ka jingjop jong ka KHADC bad i Pa’iem ka Hima Khyrim ka burom ruh ka leit sha ki nongiasaid aiñ jong ka KHADC bad ruh jong u syiem bad ka Tyring,ka dei hangne ba kum u sordar u nud ban ong ba ula pyndep hok ia ka kamram kumba la bynshet.
Kum u sordar nga la ai ia ka nguh ka dem ia u Blei Trai Kynrad uba la pynioh biang ia ka hok jong ka jaka Raid Tynring kaba la don ha ka tmier ka riat namar ka jingpdiang sbun mynsiem ia ki nongwei na war,maram bad na kylleng ki jaka ban wan shong shnong ban rep ban im pahuh pahai bad dei hangne ba ki ong ba ki poi ei ki wan ban ei
Ka burom ka leit ruh sha u Chief Justice Prafulla C Pant bad u Justice T Nandakumar singh kiba la bishar hok ha kaba ia dei ba kane ka mukot duma bad ka burom kaba khraw ka leit ruh sha u DC Ri bhoi,SP Ri bhoi CI Umiam police bad Umroi police ba ki la trei hok ia ka kam ban kem ia ki nongleh bymman bad ruh ia ki saw tylli ki long iing kiba la long ki langknia na ka bynta ka shnat Raid Tynring bad kiba la iaid da ka lynti jong ka aiñ halor kat katei ka jingshem jynjar shem lanot ai ba ka hok kan kyrkhu kan batai.
Kum u sordar u dap ruh da ka jingkmen kaba khraw ban iohi ia ki phew hajar ngut ki paidbah ba ki la burom bad sngap ia ka jingkyrpad jong u sordar naduh ka por ba jia da kaba shong khop bad kun tang halade khlem da siew kylliang lane shim ia ka aiñ ha ka kti.
U Bah Smek Marboh u rangbah shnong jong ka Lumkseh,u Bah Tribor Nongbri u rangbah shnong ka Mawkynring bad u Kobring Jyrwa u rangbah shong ka Lumdiengngan kine ki rangbah shnong ki dei kiba la shah rem ha ka jingbishar ka High Court.(SP News)
