Dagengre Nohprah 01: U myntri rangbah ka jylla u 
ha ka jingkren ka jong u haba buh ia u mawnongrim jong ka Greater Raksamgre Water Supply Scheme (GWSS) ia kaba la bei pisa na ka National Rural Drinking Water Programme ha Rakksamgre u la ong ba ka sorkar Meghalaya ka la mang pisa sawklur na ka bynta ban pyntrei ia ki kam pynroi sha ki shnong ba ia khap bad ka jylla Assam.
Haba ia dei pat bad ka skhim sam um kaba u la buh ia u mawnongrim u la ong ba ka jingmang pisa na ka bynta kane ka long haduh 9.54 klur bad ki shnong kiba dei ban ioh ia ka jingmyntoi na kane ka skhim kin long haduh 52 tylli ki shnong.
Ha kane ka jingialang paidbah u la ong ba na ka liang jong ka sorkar ka la ialeh katba lah ban wanrah ia ki kam pynroi sha u paidbah ha baroh ki liang. Kane ka sorkar kaba la ialam khmat da u u la pyrshang ban peit ba ki paidbah ki dei ban ioh ia ka jingmyntoi na ki skhim kiba ka sorkar ka la dep bha na ka bynta jong ki.
Haba phai sha ki shnong kiba don ha khappud bad ka jylla Assam u la ong ba ka sorkar ka kwah ba kin ioh ia ki jingmyntoi kiba bun kumba ioh lem kiwei. Ka sorkar ka shim khia bha na ka bynta kine ki shnong namar ka jingsah dien ka jong ki ha ki ba bun ki liang dei na kane ka daw ba ka sorkar ka sa buh ia kane ka skhim kaba kyrpang na ka bynta jong ki shnong kiba don ha khappud bad ka jylla Assam.(SP News)
