Shillong, Naitung 30: Da ki phew hajar ki paidbah mynta ka sngi na ki Lum Jaintia kila ia poi sha kane ka nongbah Shillong ban ia shim bynta ha ka jingjiaid paidbah kaba jar jar ban pynpaw pyrshah ia ka jingkhang tih dewiong jong ka National Green Tribunal (NGT).
Ia kane ka jingiaid paidbah la sdang na Madan Polo, sha Raj BHavan, St, Anthony’s College , sha shillong PGT bad ki pynkut biang ha madan Polo. Kiba bun na ki paidbah kiba la ia poi sha kane ka jingiaid kaba jar jar ki dei na ki ar tylli ki District na Jaintia Hills, kiwei ki long na West Khasi Hill District, South West Khasi Hills District, bad kumjuh ruh katto katne ngut ki nongialam na Garo Hills District.
Kum ka dak ka jingpyrshah ia ka jingleh jong ka National Green Tribunal ki paidbah baroh kiba la wan ban ia shim bynta ha kane ka jingia iaid da kaba jar jar kila rah ia ki placard ha kaba la thoh ia ki jingthoh ban pynpaw ia ka jingpyrshah ka jong ki.
U Bah Sing Mulieh haba kren ha kane ka jingialang shwa ban pynlong ia ka jingai iaid ba jar jar u la ong “ Kane ka dei ka jingiad ba mynta ka sngi ka long ka jingia iaid kaba dang sdang eh bad la da ba ka NGT kam patiaw ei ei ia kane kin dang pynjur shuh ia ki jignialeh nangne shakhmat u la ong. “Ngin ym shong kli kti bad ngin ym aili ia ka NGT, ngim dei ban shah iuhroit namar kane ka dei ka hok jong ngi ki paidbah la ong u bah Mulieh”.
Ha kajuh ka por u bah EK Sutnga ruh u la ong kane ka jingiaid paidbah ba jar mynta ka sngi ka pyni ba baroh ki paidbah kiba la shah ktah haka jingkhang tih dewiong kim mon ia ka rai ba la shim daka NGT, bad kajingleh jong ka NGT ka la long thik kumba wan ban knieh noh ia ka jakpoh jong ki paidbah ba bun ba lang.
Ha kane ka por la ioh ruh iaka jingkren na u MLA jong ka Sohra u bah Titus Chyne u la ong ka kham bha ban shah kem lada ka wan ka jingshah thngan,ka sorkar Jylla ka dei ban ialeh tyngeh ia kane, kumjuh ruh ki MDC ki dei ban don ka jingkit khlieh namar ma ki ruh ki bat ia ka bor kum ka jaitbynriew rit paid(sixth Schedule) kumta ki dei ban leh shitom, lad ka NGT kam Sngap kin dang pynjur ka jingialeh.
U bah Erwin U legal Adviser jong ka seng MIPRL u la ong ka seng ka la rai ban leit ban ia kynduh ia u Myntri rangbha duh jong ka Ri India U Nirendra Modi ban ia kren halor kne ka jingeh jong ki paidbah, bad ia kane ka jing leit ban ia kynduh ki ap shwa ia ak rai jong ka NGT, hadien kata lada kam sngap kin sa leit ha taiew ba Nyngkong jong u bnai ban wan.
Ngin ia khih bad ngin ia leh haduh kaba kut lada ka long kumno kumno ruh, namar kane ka jingleh jong ka NGT ka la ktah da ki lak ngut ki briew, bad ka jingiaiad paidbah mynta ka sngi ruh ka daw ka long na ka jingiapthngan u la ong .(SP News)
