Shillong, K’Lyngkot 11: Ka Gauhati High Court, Shillong Bench mynta ka sngi kala pyllait jamin ia u Chairman ka seng kai khlaw ka Garo National Liberation Army (GN-LA), u Champion Sang-ma hadien ba ka sorkar jylla kam shym la lah ban ai ka ejahar pyrshah ia u kum u nonglehkam beaiñ, iathuh ki tyllong khubor na ki heh sorkar.
Ka Shillong Bench, Gauhati High Court kala ai jamin ia ki artylli ki jingmudui na ki lai tylli, kita ki long ki FIR ba la ujor ha West Khasi Hills district headquarter, Nongstoin, ong u nong-said aiñ jong u Sangma u Sujit Dey. Kine ki Case ki kynthup ha Nongstoin case no 9 (2) of 2012 under section 121 (A) (ba thmu ban ieng ialeh pyrshah da ka thma ia ka ri) jongka IPC, 353, 307 bad 34 IPC/ section 10 bad 13 jongka Unlawful Activities Prevention Act bad 27 (2) ka Arms Act.
Ban shu pynkynmaw ba da ka jingpan jamin da ka lok u Champion ka AN Marak na ka Gauhati High Court myn ha ka 17 tarik u Nohprah 2012 bad hadien kane na ka liang ki pulit kim shym la lah ban ai ka jingmudui pyrshah ia u hapoh ka 90 sngi, ong u Dey.
“Na ki jingbakla ki rukom pynshitom kumta kala pynlong ia u Champion ba un ioh iaka jamin kaba hap hapoh ka kyndon Section 176 clause 2 IPC,” ong u Dey.
Kumta ka ing bishar kaba don ha ka jylla kaba la mudui pyrshah ia u Champion da kaba kynnoh ba u ieng thma pyrshah iaka ri da kaba ula seng iaka kynhun kieng atiar ka Garo National Liberation Army (GNLA) kaba la seng ha u snem 2009, kaba u la dawa halor ka nongrim ban pynioh noh iala ka jongka ka jylla iaka ri lum Garo
Hadien ba ula lait jamin ia ki artylli ki jingshah mudui pyrshah ia u, na ka liang jonguula pynbna ba un iareng ha kane ka election ka ban long ha ka 23 tarik u Rymphang 2013.
U Dey ula iathuh ba u Champion ula pynthikna ba un iakhun iaka election wat lada u ioh ne um ioh jamin ia katei kawei ka case kaba dang sahteng, hynrei halor kane u Champion um shym la pynpaw satia pat ba na kano ka Constituency ba un iakhun.
U Champion ula shah pynngat hapoh ka kyndon Section 121 IPC ba u seng iaka kynhun kieng atiar kaba ieng thma pyrshah iaka ri bad ruh kum u nongsylla, ban pynkhihwin, kynshoit, u nongbtin lynti ne kaba u tip bha ba da kano ka lynti ka GNLA ka lah ban pyntriem bad ruh ha kiwei pat ki kam beaiñ ha ka jylla.
Ia ka seng kaikhlaw ka GNLA la niew beaiñ myn ha u Kyllalyngkot myn shem snem bad la ju tip ruh ba ka don bynta ha kaban ia treilang bad pynbiang tiar siat da ka jingiasngewthuh jingmutlang bad ka ULFA bad ka NDFB kaba la lah ban pynher syrngiew ban pyntieng ha ki ri lum Garo.
Ban shu pynkynmaw ba ia u Champion ula shah kem myn ha ka 30 tarik u Naitung u snem 2012 na Umkrem Pyrdiwah ba markhap bad ka ri Bangladesh, kaba hap hapoh East Khasi Hills district hadien ba ioh phet tuh na ka ri Bangladesh sha India.
