Williamnagar, Risaw 23: Ka jingkieng shlur jong ki nongtuh nonglute ha ki bynta jong ka surok bah NH-62 ha East Garo Hills ka long kaba la palat ha kaba kim salai shuh ban lute wat ha ka por mynsngi mynshai.
Ha ka 22 tarik mynta u bnai ki nonglute ki la khang ia ka surok bah NH-62 da u dieng bad lute suk ia ki trok da kaba pynap suloi kane ka jingjia ka la jia ha jan ka shnong Rongjeng jong ka East Garo Hills ha ka por 2.30 noh phai sngi.
Kane ka kynyhun nonglute ka la wan ryngkat ki tiar siat bad lute ia ki nongniah trok da kaba pynsap suloi ia ki. Mar ia dep lute kila phet noh sha khlaw. Katba kin da wan ki pulit CrPF kine ki nonglute ki la phet bak sha ki khlaw kiba don ha katei ka jaka.
Kum kine ki jignshah lute ha katei ka surok ka long khah khah bad dang shen ka la don ka jingiather kuli hapdeng ki pulit bad ki nonglute.
Ha kane ka jinglute kine ki riew sniew kim shym la ktah ne pynmynsaw ia ki nongniah kali lane ia ki kali kila shu hukum ba ki dei ban sei lut ia ka pisa bad ia ki tair ba iaid iew na ki kali jong ki. La ong ba ha ka jingtieng ki nongniah trok ki la ai pynsted kat kaba ki don ban lait na ka jingmynsaw.(SP News)
