Na iing bishar pan jingiarap ka kong Agens ban hukum ia ki pulit ban register mukotduma

Shillong, Naiwieng 20: Ka kong Agnes Kharshiing bad ka kong Angela Rangad kiba la ai ia ka jingujor sha ki pulit jong ka Laitumkhrah ban tohkit ha kaba ia dei bad ka jingkynnoh ba ka la don ka jingleh bakla ha kaba pynpass ia ki samla kiba ialeh ia ka examin kamhikai ha ki skul jong ka sorkar kumba la kdew ha ka jinglap jong ka CBI ki la leit ban pan jingiarap na ka iing bishar ban bthah ia ki pulit ba kin register ia ka mukotduma. Haba kren ha u SP News Agency, ka kong Agnes ka la ong ba naduh ba ki la ai ia ka FIR ki pulit kim shym la register mukotduma, kane ka jingleh jong ki pulit ka la pynlyngoh iaki. Dei na kane ka daw ba kim banse ban leit ban pan ia ka jingiarap na ka iing bihsar jong u Chief Judicial Magistrate ban ai ia ka jingbthah ia ki pulit ba kin register ia ka mukotduma. Ka kong Agnes ka la pynpaw ba ka don ka jingkyrmen ba mynta ka sngi kin sa ioh ia ka rai na katei ka iing bishar kaba don burom. Ka la ong ba kane ka jingleh jong ki pulit kan ktah shibun ia kiba dang don hapdeng ka jingduna.(SP News)

What Next?

Related Articles

Leave a Reply

Submit Comment
*