Shillong, Naiwieng 21: Ka kong Agnes Kharshiing kawei na ki dkhotjong ka kynhun jong ki seng bhalang ia kaba la tip kum ka SCAMoD,ka la ong ba u R A Sangma u ba bat ia ka kyrdan SI u la iathuh ha ka commission ba u khlem jah kumba la kam da ki pulit.
Ha kane ka jingshong bishar jong ka Commission kaba la dep na ka liang jong ki pulit ki la pyntip sha ka Commission ba kila wad ia u tei u pulit hynrei mynta la shi snem kim shym la lap ia u. Dei ha dien ba la mih katei ka khubor u Sangma u la kyndit.
Halor kane ka jingwan mih jong u Sangma ka kong Agens ka la ong ba ka long kaei kaei kaba ym lah ban mud dur ba ki pulit ia u briew la jong kim lap sha ei u don, sha ei kein kin lap ia ki nongleh kam sinew hato kane ka dei ka jingtrei kam jong ki pulit ka la buh ia ka jingkylli?
U Sangma u la ong ba ia ka jingpeit bniah ia ka met jong u Fullmon Dhar u ba la lait phet na patok bad u ba la shah siat haki pulit, u Sangma u la kam ba u la leh ma u bad ka por ka long lai baje noh phai sngi bad ia ka jingpeit bniah kaba ar la leh da u Dr H Diengdoh.
U Sangma u la ong ha khmat ka Commission ba u don ha ka kam bad ka jingong ba u jah na jingtrei kala pynlyngoh ia u haduh kata kata ka jingwam mih ka jong u ha khmat ka Commission ka dei kaba u ioh na ki lad pathai khubor.
Na ka liang jong ka kynhun ki seng bhalang la ia said da ka nong said ain ka Poonam Yadav. Ka Commission kan pyndep ia ka jingthoh kit ha kaba ia dei bad kane ka jingshah siat iap jong u Fullmoon Dhar ha ka 7 tarik jong u bnai Nohprah mynta u snem.(SP News)
