Shillong, Naiwieng 20: Ka State Bank of India (SBI) ban ialeh ban pynsuk ia ki paidbah ban kynshew bad sei ia ka pisa hynne ka sngi kala plie ia ka Urban Customer Service Points ha MUDA Complex kaba don ha Garikhana kaba long kaba nyngkong eh hapoh ka nongbah Shillong.
Ia kane ka Urban Custo
mer Service Points la plie da ka Myntri ka tnat Pynroi sor ka Kong Ampareen Lyngdoh kum ka kongsan ryngkat ka jingiadonlang jong u General Manager (Network II) ka SBI, Local Head Office Guwahati u Farooque Shahab bad kiwei kiwei kiba la shah khot sngewbha.
Lyngba kane ka CSP ki briew ba duk ne kiba dun aha ka ioh ka kot bad khamtam kito kiba trei ia ki kam kiba rit ki lah ban plie ia ka account, ha kaba ki lah ban thep tang 10 tyngka ruh ha kaba sdang bad haduh kane ka sngi ba la plie, ki la don haduh 29 ngut kiba la plie ia ki account.
Ia kane ka CSP yn pyniaid da ka (KKSCO) ha kaba yn pyndonkam da ka internet bad ka Kiost Banking Software jong ka SBI.
Ki heh ka SBI ki la pynpaw ia ka jingdonkam ia ka jingkyrshan na ka liang ka sorkar ba kin plie shuh shuh ia ki CSP hapoh ka nongbah bad ki la pynbiang ruh ia kawei ka skhim ha kaba kito ki briew kiba wan na ki long iing ba duk ki lah ban thep T.100 shi snem bad lada don kano kano ka jingjia aksiden lane don ba khlad ha ka jingiap aksiden, ka bank kan ai ia ka insurance kaba long T.4 lak sha ka iing ka sem.(SP News)
