Shillong,iaiong 22: Hynnin ka janmiet ha ka shnong Wahkhen Ki nongpyniakhalai ki la her krad ialade haba ki pulit ki la hiar ban khynra haka tei ka jaka . Hynrei namar ba ki kitei ki nongpyniakhalai ki la ioh jingtip noh shwa ban poi ki pulit, ki la kloi noh ban phet bad ki pulit ki khlem ioh kem satia.
Katkum ka jingtip khubor ba la iohlum, la iathuh ba ka jingbym ioh ki pulit ban kem ia ki tei ki briew ba pynlong ia ka khalai, ka long hadien ba ki la phet noh na ka jaka shwa ba kin poi ki pulit. La suba jur ba don ki briew kiba la ai jingtip lypa ia ki wan ki pulit.
Lah ban kdew ba ia kane ka jingpyniakhalai, la pynlong naduh ka sngi Shad katei ka shnong ha ka 19 tarik mynta u bnai . Katkum ka jingtip, la iathuh ba la pynlong ia kane ka jingkhalai khlem da ioh jingbit na u Deputy Commissioner bad ka long be-ain ban pynlong ia ka.
Bun ki paidbah katei ka shnong kim sngew iahap ia ka jingpynlong khalai bad ka jingdie kyiad pathar ha shnong namar ba kane ka ktah jur ia ka imlang sahlang ban pynkharoi ia ki jingsniew.
Ha kawei ka liang, ki paidbah ka shnong ki la ong ba kat kum ka jingmih khubor ha kane ka sngi Hatmajai, ka jingkynnoh ba don kti ki politishian, kam dei hynrei dei tang ki riew shim kabu bad ruh ka ia khalai ka la sdang mar ia kem dum, ym dei kumba la thoh mar ia mih ki sahep bad ki lei san snem.(SP News)
