Shillong, Naiwieng 12: U Deputy Chief Minister jong ka jylla Meghalaya u ba dei peit ia ka koit ka khiah u Bah Rowell Lyngdoh mynta ka sngi u la pynlait ia ki 27 tylli ki kali Ambulance jong ka National Health Rural Mission (NHRM) ha ka jingiadon lang ki nongtrei ka tei ka tand sorkar.
Ha ka jingkren ka jong u la ong ba kine ki kali kiba la pynlait mynta ka sngi kin iarap shibun ia ki paidbah ha ki nongkyndong namar kumba ka long mynta bun na ki nongkyndong ki duna ki kali. Da ka jingdon jong kine ki kali kan iarap shibun ha kaba rah ia ki briew na ki kyndong dong sha ki jaka kiba kham bha ban ioh ia ka jingsumar.
Ka jingioh ia kine ki kali ka long ba ka sorkar ka kwah ban wanrah ia ka koit ka khiah kaba bha sha ki paidbah bad kane ka dei ka jingkwah jong ka sorkar. Na ka liang jong u Deputy Chief Minister u kyntu ia kiba pyndon kam ia kine ki kali ba kin pyndon kam ha ka rukom kaba dei.
Ha ka juh ka por u kyntu ia ki paidbah bad ia ki nongsumar ba kin da peit ba kiei kiei kiba ka sorkar kaleh naka bynta jong ki, ki dei ban shim ba ka dei ka jong ki ym jong ka sorkar namar lada ka don ka jingsngew ba ka dei ka jong ka sorkar kan ialam bakla ia ki briew.(SP News)
