Nongpoh Iaiong 16: Ka seng Hynñiewtrep Achik National Movement (HANM) mynta ka sngi kala pynkshem ia ki nongkit kam hapoh ka Ri Bhoi District ha ka jingialang kaba la long ha iing dorbar ha Sajer ha Nongpoh.
Ia kine ki nongkit kam kiba thymmai la pynskhem da u president ka seng u Bah u Bah Lamphrang Kharbani, ha kaba shuwa ban pynskhem, u la ai katto katne ki kyntien sbai rupa hakhmat ki nongialam ba thymmai ka seng, ba kin long kiba trei shitrhem na ka
bynta ka ri bad ka jaidbynriew, ba kum ki nongialam seng bhalang, ki dei ban long kiba ieid ia la ki paradoh parasnam, ban trei khambha ha ki jaka khappud na ka bynta ban iada ia la ki para jaidbynriew kiba shong ba sah ha ki jaka khappud bad ba kum ki nongialam ki dei ruh ban ai ia ka jingiatreilang ryngkat ryngkat bad ki bor pyniaid shnong, khnang ban wanrah ia ka jingiatylli hapdeng ki para nongshong shnong bad ban kyntiew khamtam ia ka imlang sahlang bad ka roi ka par ha ki shnong ki thaw.
Hadien kata, u Bah Lamphrang kum u nongialam ba rangbah ka seng, u la pynskhem ia baroh ki nongkitkam katei ka seng kiba kynthup ia u president, Bah Bryan Sohkhlet, vice president, Bah Gregory Kyrsian, general secretary, Bah S.K Syiemiong, asst general secy, Bah B Sohpdang, education secretary, Bah Jop Nongsiej, sports secretary, Bah H.S Syngkli, finance secretary, Bah John Sohkhlet, organizing secretary, Rokesh R Marak, social & cultural secretary, Bah Maitphang Kharbuki bad u publicity secretary, Bah David Kharjahrin, lem bad ki 14 ngut ki dkhot ha ka Executive Committee jong ka district.(SP News)
