Shillong, Lber 08: Ka FKJGP Mawsynram Circle ka pynpaw iaka jingsngewnguh iaka tnat PWD Road hadien ba la iohi iaka jingsdang ban pynthymmai iaka jingsniew jongka surok naduh Mawphlang,Mawsynram haduh Balat ter ter kane kalong kaei kaei kaba pynpaw iaka dak jongka jingkyrmen hakaba iadei bad ka leit ka wan.Kumba ngi ju ong hi barabor ba ka surok kalong u thied snam jongka khaïi pateng bad ruh u budlum jongka ioh ka kot te kumta ngi sngewthuh shai iaka jingdonkam ba kyrpang jongka.
Naka liang ka Seng ka pynkynmaw hakaba iadei bad kane ka surok bad ong ba kadei kaba la rim bha iakaba la pyndonkam bad tih naduh ki por jongka sorkar phareng hynrei hadien ba ka Ri India kala ioh iaka jinglaitluid naka jingsynshar ki Dohlieh, la pynbha shuh shuh iakane ka surok hapoh ka jingkhmih jingpeit jongka sorkar Assam kumba kalong haduh kine ki sngi kiba mynta.
Katkum ki jingtip kyllum kiba ka Seng kalaioh banlum la ong ba naduh bala dep ban siang rong iakane ka surok bad haduh ba ka Meghalaya kala ioh la kajong ka jylla ympat ju kham iohi iaka jinpynbha bad pynthymmai da kita ki Special Scheme kiba ka Sorkar jylla ka la mang watla kiladon katto katne ki jing maramot nakaliang ka PWD Road hynrei lah ban ong ba ka jingkhein sting jong ki Contractor ruh ka lah ban long kawei nakidaw jongka jingjot hakane ka surok, ngi iohi bad sakhi iaka jingnangjot nangpei kaba la ktah wat iaka leit kawan jong uba bun balang katba dang mih ki sngi.
Lah ruh ban ong baka jinglehklet bad kheinsting jongki bor sorkar kiba la leitnoh ka pynkylla long iakane ka surok ba kan jot kan pra katdang iaid ki sngi, ka jingnang iai roi u khunbynriew bad ka jingnangkiew hakajing bun ki kali hakane ka thain lehse kalah ban pynlong ruh iaka jingsniew ba bun shah iakane surok.Haka jingshisha kane ka surok kamdei shuh tang ka Rural Road ban ong ban pyniasoh iaki shnong ki thaw hapoh ka Jylla hynrei lah ban ong bala dei ban shim iaka kum ka International Road namar ka pyniasoh iaka Ri India bad ka Bangladesh.
Nakaliang ka Seng hadien ba kala leit ban ia kynduh ia u Superintendent of Engineer ka tnad PWD Road ban kylli bniah hakaba iadei bad ka jingiaid jongka kam,nakaliang une u ophisar ula ong ba ka jingpynlut bala mang iakane ka surok ban pynthymmai naduh Mawphlang ter ter kan kot shaka 100 klur tyngka iakaba la mang naka scheme Special Plan Assistance (SPA) bad ula pynpaw ruh ba kane ka projects kadon haki ar bad lai bynta, hapoh ka Mawsynram Division ka project ka iaid ka jingpynheh surok bad hapoh Mawphlang Division pat kadei beit ban pynthymmai iaka surok baroh kawei.
Ka seng kala pynpaw ha une u ophisar ba ka jingtrei hapoh Mawsynram Division kala poi mar shiteng bad la sdang naduh u snem barim bad haba phai pat hapoh ka Mawphlang Division ngi iohi ba dang shu sdang shen bad kalong kabym i iahap haba phai iaka jingsdang iakakam naki thain Lyngiong namar ka jingbymkhlong lut iaka rong kaba rim bad tap biang nalor da u maw ba thymmai kalong kaei kaei kaba pynartatien iaka jingskhem jongkane ka surok bad ladajia ba kane ka surok kam shan slem ka jingkynnoh kanleit beit iaka Department ba kam shim khia hakaba iadei bad ka jingpyntrei iaka kam.Naka liang u ophisar ula kular ban shimkhia.
Kumta nakaliang ka seng ka ban jur iaka Tnad PWD ba kan shimkhia hakaban kyntu iaki contractor ba kin ai iaka jingbha jongka kam katkum ki guidelines bad ki jingbthah lyngba ka Indian Standards of Rural Road khnang ba katei ka surok kanai iaka jingshakri daki bun bun snem bad ruh ba kan ymlong ka jingpynsep ei iaka pla tyngka jongka sorkar.
Ka Seng ka ong ruh ba lada katei ka surok ka bha ngi ngeit skhem ba kan kyntiew stet iaki kam jngoh kai pyrthei haka thain baroh kawei bad khamtam ia jylla ruh kumjuh namar ka jingdon ki jaka ba itynnad sha kane ka thain ka khring iakiba bun ki Tourist hynreh bunsien ki ngiah ban leit nakadaw ka jingsniew palat ka surok.
Haki snem bala leitnoh ngi la iohi iaka jingwan survey nakaliang ka company National Projects Construction Ltd. ba yn tei noh iaka Double Lane lyngba ka jingbei tyngka napoh ka Asian Developmen Bank hynrei kane imat kala pulom noh,kumta ka seng ka kyntu iaka sorkar ban pyrkhat thymmai noh iakane ka projects bala sah teng khnang ba kanlong ka jingmyntoi iaka jylla baroh kawei.(SP News)
Ka long kaba shisha ba ha jaka tang 2 kynta tam eiei la dei ban poi na Mawkyrwat shaduh Shillong, la hap ban iaid tam sa kumba 1 kynta tam eiei. Kata ka mut ka shimpor haduh 3 kynta shiteng ban iaid naduh Mawklyrwat haduh Shillong ha ka jingjngai ba tang 75 KM. Ngi iohi ba tang shu lait Tyrsad, hajan skul Hill Mount School, Lyngiong la tih lut ia ka surok ban ioh ban pynbha pat. Ka kam ka dawa ban pynbha kham kloi ioh lap ba poi sa u slap. Kane ka jaka ka la pawnam shisien ruh ba ka jingkieng ka la kdiah ha kane ka jaka. Ngi ngeit U MLA bad MLA kane ka thain kin buddien ba ka jingsiang rong ha kane kan long kaba bha, kaba khamneh bad paka. Dei te kan long kum ki surok ha Sor Bah Shillong kiba hap ban maramot man la u snem wat lada ki kali heh, 6 shaka, 10 bad 12 shaka kim da ioh ka lad ban iaiad bha. Kaba ioh poi pynban sha kawei ka skam-Kham Ma Ka Sia Lieh ne Ka Sia Iong??? Sa pyrkhat lem ma phi kiba pule namar dang shen ka la poi sa ka phang tah sia ha nongbah Delhi ia ki riew pawkhmat wat ha ka politik kum U Yadav jong ka party AAP bad U Roy.
Ka long kaba shisha ba ha jaka tang 2 kynta tam eiei la dei ban poi na Mawkyrwat shaduh Shillong, la hap ban iaid tam sa kumba 1 kynta tam eiei. Kata ka mut ka shimpor haduh 3 kynta shiteng ban iaid naduh Mawklyrwat haduh Shillong ha ka jingjngai ba tang 75 KM. Ngi iohi ba tang shu lait Tyrsad, hajan skul Hill Mount School, Lyngiong la tih lut ia ka surok ban ioh ban pynbha pat. Ka kam ka dawa ban pynbha kham kloi ioh lap ba poi sa u slap. Kane ka jaka ka la pawnam shisien ruh ba ka jingkieng ka la kdiah ha kane ka jaka. Ngi ngeit U MLA bad MDC kane ka thain kin buddien ba ka jingsiang rong ha kane kan long kaba bha, kaba khamneh bad paka. Dei te kan long kum ki surok ha Sor Bah Shillong kiba hap ban maramot man la u snem wat lada ki kali heh, 6 shaka, 10 bad 12 shaka kim da ioh ka lad ban iaid bha. Kaba ioh poi pynban sha kawei ka skam-Kham Ma Ka Sia Lieh ne Ka Sia Iong??? Sa pyrkhat lem ma phi kiba pule namar dang shen ka la poi sa ka phang tah sia ha nongbah Delhi ia ki riew pawkhmat wat ha ka politik kum U Yadav jong ka party AAP bad U Roy.