Shillong, Jymmang 01: Ka Hynniewtrep Awakening National Movement (HANM) Jong ka central body mynta ka sngi ka la pynlong ia ka jingialang ban iakren halor ki saw tylli ki mat ba kongsan ha kaba ia dei bad jaitbynriew.
U Bah Damonmi Dkhar haba iakren bad ki nongthoh khubor hadien bala wai ka jingialang u la ong la ia kren sania bha ha kaba iadei bad ka jing knieh pud ka sorkar Assam khamtam eh ha ki thain Khanduli , Langpih bad ki wei ki wei ki jaka, u la ong ruh ruh kane ka jing leh sting ka sorkar Meghalaya, halor kane ka mat ka seng ka la rai ban lie tai jingthoh sha ka sorkar jylla ban iakren bad ka sorkar Assam namar kane ka ju jia na ka por sha ka por.
Ka seng ka la rai ruh ban leit wad ia ki kot ki sla lyngba ki syiemship, ki Elaka bad kumjuh ruh na District council bad kin sa leit da lade ha Delhi ban ban ia kren bad ban kyrpdad noh na ka sorkar pdeng ban ia rap ban pynbeit lem hakaba iadei bad ka ne ka jingshah knieh pud jubor ha ki thain khappud.
Kane ka seng ka pyrshah ruh ia ka National Green Tribunal ha kaba iadei bad ka jingpynsangeh noh ban tih ia u dewiong, halor kane ka mat ruh ki la iarai ban leit buh jingthoh sha ka sorkar, bad ka seng ka kyrshan ia ak sorkar ban pyrshah ia ka jingleh jong kaNGT.
Kumjuh ruh ka seng ka pyrshah halor ka jing thmu jong ka sorkar ban ban wad ia ka jaka sah ha ka thain South West Khasi Hill District bad West Khasi Hill District ka jaka kan long baa k sorkar ka thmu ban shim ka long ha Umshynrut bad ha Shahlang na ka bynta ka wei na ki seng kai khlaw kaba na Ri Lum Garo ka ANVCB, bad ka sorkar ka dei ban pynsangeh noh shi syndon ia kane ka jingthmu namar kan ktah shibun ia ki briew kiba shong ha kito ki thain.
Ki la ia kren ruh halor ka jingpynlip ia ka bording elektrik kala long shaba palat, kin leit ban ia kynduh ki briew jong ka MEeCEL ha Lumjingshai haba iadei bad ka ka jing bym lah ban pyntreikam ia ki wei ki project haduh mynta kiba don ha ka jylla.
Ha kane ka sngi la don lang u bah L Kharbani president bad ki wei ki wei ki nongialam jong ka seng bad kumjuh ruh ki dkhot.(SP News)
